Sofoni 3:16 - Labib An Kreol Seselwa

¹⁶ Sa zour, zot pou dir Zerizalenm: Lavil Siyon! Pa per. Pa dekouraze!

Sofoni 3:16 Referans Kwoze

Ebre 12:12

Pour sa rezon, lev zot lanmen fatige e fortifye zot zenou ki pe tranble.

Galat 6:9

Annou pa fatige fer lebyen; akoz si nou pa dekouraze, nou pou rekolte dan son letan.

Revelasyon 2:3

Mon konnen ki ou annan perseverans. Ou'n soufer tou akoz mon non, e ou pa'n dekouraze.

Efezyen 3:13

Alor, mon demann zot pa bezwen dekouraze akoz bann soufrans ki mon pe andire pour zot tou: I pour zot prop laglwar.

Ezai 44:2

La sa ki SENYER ki'n fer ou, ki'n form ou dan vant ou manman e ki pou ed ou, i deklare: Zakob mon serviter! Pa per. Yesouroun! Ou, ki mon'n swazir!

Ezai 41:10

Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.

Ezai 40:9

Siyon! Ou ki anmenn bon nouvel, mont lo latet en gran montanny. Zerizalenm! Ou ki anmenn bon nouvel, kriy avek tou ou lafors. Fer tande ou lavwa! Pa bezwen per! Al dir ek bann lavil dan Zida: Ou Bondye i la!

Levanzil dapre Zan 12:12

Lannmen, sa gran lafoul ki ti'n vin lafet Pak, ti tande ki Zezi ti pe vin Zerizalenm.

Zakari 8:15

Aprezan, mon'n sanz mon desizyon; mon'n deside fer dibyen Zerizalenm ek tribi Zida. Pa bezwen per.

Ezai 54:4

Pa per, akoz personn pa pou fer ou onte. Pa dekouraze, akoz ou pa pou ganny imilye. Ou pa pou rapel laont dan letan ou zenes; ou pou nepli mazin dezoner letan ou ti vev,

Liv Zob 4:3

Ou'n enstri bokou dimoun; ou'n redonn kouraz sa ki ti tro fatige.

2 Korentyen 4:1

Akoz Bondye ki dan son bonte, i'n konfye nou sa minister, nou pa perdi kouraz.

Ezai 25:9

Sa zour, dimoun pou dir: Li menm li nou Bondye; nou'n esper li. In vin sov nou. Li menm SENYER ki nou ti pe espere. Annou selebre! Annou rezouir! I'n sov nou.

Zoel 2:21

Later! Pa bezwen per! Plito rezoui, akoz SENYER in akonpli bann gran mervey!

Zakari 8:13

Parey tribi Zida ek tribi Izrael ti anmenn malediksyon parmi bann nasyon, mon pou sov zot e zot pou anmenn benediksyon. Pa per! Pran kouraz!