Sofoni 1:6 - Labib An Kreol Seselwa

⁶ Zot in tourn ledo avek SENYER, e pa'n rod SENYER ni konsilte li.

Sofoni 1:6 Referans Kwoze

Zeremi 2:13

Wi! Mon pep in komet de pese: In abandonn mwan, sa sours delo fre, pour al fouy bann pwi ki annan trou e pa gard delo.

Ezai 1:4

Maler! Nasyon koupab: Pep sarze avek krim, ras ki fer sa ki mal, zanfan koronpi. Zot in abandonn SENYER. Zot in mepriz Bondye Sen Izrael. Zot in tourn zot ledo avek li e zot kontinyen revolte!

Zeremi 15:6

Ou'n rezet mwan, SENYER i deklare. Ou'n vir ou ledo avek mwan. Alor, mon pran aksyon pour mwan pini ou, akoz mon fatige pran konpasyon anver ou.

Zeremi 2:17

Izrael! Tousala in ariv ou akoz ou'n abandonn SENYER, ou Bondye ler i ti pe gid ou lo ou semen.

Oze 11:7

Mon pep i antete pour elwanny zot avek mwan. Zot ganny apele lao, me personn pa leve.

Zeremi 3:10

Apre tousala, Zida, sa ser Izrael, sa tret, ti fer sanblan ki i ti pe retourn ver mwan. I pa ti senser,” SENYER i deklare.

Ezai 9:13

Lepep pa retourn ver sa enn ki'n pini li, i pa tourn ver SENYER liniver.

Ebre 2:3

Alor, koman nou, nou pou kapab sap pinisyon si nou negliz en tel gran delivrans? Sa delivrans, Senyer li menm ti anonse an premye; apre, bann ki ti tande ti konfirm li avek nou.

Ezekyel 3:20

Si en dimoun zis i abandonn sa ki byen e konmans pratik sa ki mal, mon pou plas en pyez dan son semen. I pou mor. Si ou pa averti li son danze, i pou mor dan son pese. Son bann bon aksyon pase pa pou servi li; me ou, mon pou fer ou rann kont son lanmor.

Psonm 125:5

Me sas bann ki swiv move semen. Lape lo Izrael!

Psonm 10:4

Dan son larogans, i dir: Bondye pa pini. Dan son lespri i mazinen: Bondye pa pou fer nanryen.

1 Samyel 15:11

“Mon regrete ki mon'n fer Sail vin lerwa; in detournen avek mwan e i pa'n gard mon parol.” Sa ti fatig latet Samyel ki ti plere devan SENYER tou lannwit.

Oze 7:7

Zot tou, zot sofe parey en four; zot devor zot bann sef. Zot bann lerwa in tonbe; personn pa rod mwan.

Psonm 36:3

Dan son labous i sorti zis mansonz ek frod; i nepli fer sa ki byen, sa ki saz.

Romen 3:11

Napa personn ki annan disernman, personn pa rod Bondye.

Ezai 43:22

Pourtan! Zakob, ou pa ti apel mwan. Izrael, ou'n fatige avek mwan.

Zeremi 10:25

Plito, devers ou lakoler lo sa bann nasyon ki pa ador ou e lo sa bann pep ki pa rekonnet ou. Zot in touy ou pep; zot in detri Izrael konpletman e zot in devaste son pei.

Oze 7:10

Lorgey Izrael i temwanny kont li. Izrael pa'n retourn ver SENYER son Bondye. Apre tou, zot pa rod li.

Zozye 23:12

Akoz si zot vir zot ledo kont li, si zot atas zot avek sa bann nasyon ki reste avek zot, si zot al fer lalyans maryaz avek zot, e si zot melanz avek zot,

2 Samyel 22:22

Mon'n met an pratik komannman SENYER. Mon'n reste fidel anver mon Bondye.

2 Kronik 15:13

Zenn koman vye, zonm koman fanm ki pa tourn ver SENYER, Bondye Izrael, i merit lanmor.

Ezai 9:12

Bann Arameen lo kote Les, bann Filisten lo kote Was, zot in devor Izrael avek lapeti. Malgre sa, lakoler SENYER pa'n kalme; son lanmen in reste touzour menasan.

Sofoni 3:2

I pa'n ekout personn; i'n refize ganny korize. I pa'n met son konfyans dan SENYER; i pa'n oule apros kot son Bondye.