Sofoni 1:16 - Labib An Kreol Seselwa

¹⁶ Sa zour, zot pou antann son tronpet, tapaz lager kont bann lavil fortifye, e kont bann fortres.

Sofoni 1:16 Referans Kwoze

Amos 3:6

Eski tronpet i sonnen dan lavil san fer enkyet bann zabitan? Eski en maler i arive dan en lavil si SENYER pa'n anvoye?

Oze 8:1

Met ou tronpet avek ou labous! Maler, parey en leg, in tonm lo lakaz SENYER, akoz zot in kas mon lalyans e zot in revolte kont mon lalwa.

Ezai 32:14

Ou pale pou ganny abandonnen; ou lavil anfet pour ganny dezerte; ou kolin ek son bann tour pour vin en kavern pour touzour. La, bourik sovaz pou kontan vini e bann troupo pou vin manz zerb,

Habakouk 3:6

Kan i arete, later i tranble. I get bann nasyon, zot tranble. Bann montanny ansyen i fann an de; bann kolin ek bann santye ki la depi lontan, zot afese; zot ki otrefwa ti son semen.

Oze 5:8

Fer tande korn lager dan Gibea, soufle tronpet dan Rama. Sonn lavertisman dan Bet-Aven get deryer ou, Benzamen.

Zeremi 8:16

Lennmi i deza dan lavil Dann. Nou antann tapaz zot seval sorti depi laba. Tou later pe tranble. Nou lennmi in vin detri pei, nou lavil avek tou sa ki lo la e tou son bann zabitan.

Zeremi 6:1

Zabitan tribi Benzamen! Sove! Kit Zerizalenm! Al rod proteksyon dan en lot landrwa. Sonn tronpet dan Tekoa; donn lavertisman dan Bet-Kerenm, akoz maler ek gran dezas pe arive sorti dan Nor.

Ezai 59:10

Nou marse parey en aveg tou dilon en miray; nou pe tatonnen parey dimoun ki pa war kler; nou ganny konnyen lizour koman aswar; Nou an bonn sante, me nou parey dimoun mor.

Deterononm 28:52

Dan ou pei antye, i pou anserkle ou partou dan ou bann lavil, ziska ki bann gran miray fortifye kot ou ti krwar ou an sekirite, i tonbe. I ava anserkle ou dan bann lavil, partou dan pei ki SENYER, ou Bondye in donn ou.

Ezai 27:13

Sa zour, en gran tronpet pou ganny soufle. Alor, sa bann ki ti'n perdi dan pei Asiri e sa bann ki ti ganny anvoye annegzil Lezip pou retournen e ador SENYER lo montanny sen dan Zerizalenm.

Zoel 2:1

Sonn tronpet lo montanny Siyon! Kriye lo mon montanny sakre! Tranble, zot bann zabitan pei Zida! Zour SENYER pe vini, i byen pros.

Zozye 6:20

Alor, lepep ti kriye, e bann tronpet ti sonnen. De ki lepep ti antann son bann tronpet, zot ti kriye, e miray ti degrengole. Deswit, pep Izraelit ti lans devan, atak lavil e kaptir li.

Ezekyel 7:7

Zabitan sa pei! Ou tour in arive. Ou letan in arive! Sa zour i pros, en zour konfizyon! I nepli zour selebrasyon lo montanny.