Sofoni 1:10 - Labib An Kreol Seselwa

¹⁰ La sa ki SENYER i deklare: Sa zour, zot pou antann kriye depi Laport Pwason. Zot pou antann irlman sorti dan Nouvo lavil; e en gran tapaz sorti dan kolin.

Sofoni 1:10 Referans Kwoze

2 Kronik 33:14

Apre, i ti fer konstri en miray proteksyon an deor lavil David ki ti pas lo kot Was avek Gihonn, dan vale ki al ziska laport Pwason. Manase ti antour Ofel avek en miray. I ti osi plas bann sef militer dan tou bann lavil fortifye dan Zida.

Amos 8:3

Senyer BONDYE i deklare: Sa zour, bann sanson dan pale, pou vin kantik dey. Pou annan en kantite lanmor. Bann kadav pou ganny zete partou. Partou pou silans.

2 Rwa 22:14

Alor, Gran-Pret Hilkiya, Ahikanm, Akbor, Safann ek Asaya ti al kot profetes Houlda, fanm Saloum, garson Tikva, garson Arhas, responsab lenz tanp. Houlda ti pe reste Zerizalenm dan nouvo lavil.

Nehemi 3:3

Bann zabitan Senaa ti konstri Laport Pwason. Zot ti fer son sarpant, poz bann batan, bann verou ek bann bar.

Sofoni 1:15

Sa zour pou en zour lakoler, en zour maler, en zour tourman ek destriksyon, en zour fernwanr, kouver avek nyaz epe.

Sofoni 1:7

Fer silans devan Senyer BONDYE! Akoz zour zizman SENYER i pros. SENYER in prepar en sakrifis; i'n konsakre son bann envite.

Zeremi 39:2

Lo nevyenm zour, katriyenm mwan, onzyenm lannen ki Sedesyas ti lerwa, bann miray lavil ti degrengole.

Zeremi 4:31

Annefe, mon'n antann kriye konmsi en manman ti pe ganny son premye baba. Sa ti Zerizalenm ki ti pe kriye pour esey pran respirasyon. Lanmen anler, i pe kriye: Maler i lo mwan! Zot pe vin touy mwan!

Ezai 59:11

Nou tou, nou gronnyen parey lours; nou pa arete roukoule parey pizon. Nou esper lazistis, me i pa vini; nou esper nou delivrans, me i reste lwen avek nou.

2 Kronik 32:22

Konmsa ki SENYER ti delivre Ezekyas ek pep Zerizalenm anba latak Senakerib, lerwa Asiri ek tou son bann lennmi. Zot ti ganny lape par tou kote.

2 Kronik 3:1

Salomon ti konmans konstri tanp SENYER dan Zerizalenm, lo montanny Moriya, la kot SENYER ti aparet avek David, son papa. Sa menm landrwa ki David ti'n deza prepare, lanplasman kot Ornann, en Zebizit, ti bat dible.

2 Samyel 5:9

David ti reste dan fortres ki i ti apel lavil David. David ti konstri lavil tou otour depi Milo e ver lenteryer.

2 Samyel 5:7

Me David ti kaptir fortres Siyon, ki ti apel lavil David.

2 Kronik 34:22

Hilkiya avek lezot zonm ki lerwa ti'n swazir, ti al kot profetes Houlda, en zabitan Nouvo Zerizalenm, fanm Saloum, garson Tokat, pti zanfan Hasra ki ti responsab bann lenz dan tanp. Sa bann zonm ti met devan Houlda sa sityasyon ki ti rezon zot vizit.

Nehemi 12:39

Apre, par lao laport Efraim, Vye laport, laport Pwason, tour Hananeel, tour Mea, ziska laport Mouton. Nou ti aret kot laport Gard.

Ezekyel 6:13

Ou ava konnen ki mwan menm SENYER, ler zot kadav ava fannen parmi zot bann zidol toultour zot bann lotel, lo sak kolin, lo sak montanny, anba sak zarbis ver e anba sak pye dibwa ki annan feyaz, partou kot zot ofer sakrifis devan zot zidol.