Romen 8:3 - Labib An Kreol Seselwa

³ Bondye in fer sa ki Lalwa Moiz pa ti kapab, akoz febles natir imen ti rann lalwa enpwisan. Bondye in anvoy son prop Garson dan en natir parey natir pese. I'n kondann pese dan natir imen.

Romen 8:3 Referans Kwoze

Akt de Zapot 13:39

Par li, tou dimoun ki krwar i ganny libere avek tou sa ki Lalwa Moiz pa ti kapab liber zot.

Galat 3:13

Kris in liber nou kont malediksyon Lalwa, akoz i'n pran malediksyon dan nou plas. Annefe, Lekritir i deklare: Modi sa enn ki ganny pann lo en pye dibwa.

2 Korentyen 5:21

Kris pa'n fer okenn pese. Me Bondye in sarz li avek tou nou pese, pour ki par li, Bondye i rekonnet nou koman zis.

Ebre 10:14

Ensi, par en sel lofrann, in rann parfe pour touzour, tou dimoun ki'n ganny pirifye.

1 Pyer 2:24

Kris li menm in anmenn nou pese dan son lekor lo lakrwa, pour ki nou mor pour sa ki konsern pese e viv pour lazistis. Par son bann blesir, zot in ganny geri.

Romen 6:6

Konpran byen sa: Sa ki nou ti ete avan, in ganny krisifye avek Kris. Konmsa, nou lekor pese i ganny detri e nou nepli lesklav pese.

Galat 3:21

Eski sa i vedir ki Lalwa i kont promes Bondye? Sertennman non! Si Bondye ti'n donn en lalwa ki kapab prodwir vre lavi, alor dimoun ti ava ganny zistifye par sa lalwa.

Romen 8:32

I pa'n eparny son prop Garson, me i'n livre li pour nou tou. Alor, avek son Garson, i pou donn nou osi tou.

Romen 3:20

Annefe, napa personn ki pou pas pour zis devan li akoz in obei Lalwa. Lalwa i zis permet en dimoun konnen ki i'n komet pese.

Ebre 2:14

Alor, parey zanfan i annan an komen disan ek laser, Zezi osi, i'n partisip dan menm kondisyon. I'n pran natir imen, pour ki par son lanmor, i detri sa enn ki annan pouvwar donn lanmor, setadir dyab.

Filipyen 2:7

Me, par son prop volonte, i ti renons tou sa ki i ti posede, pour pran kondisyon en serviter. I ti pran natir imen.

Ebre 10:12

Kris par kont, apre ki i'n ofer en sel sakrifis pour pardon tou pese en fwa pour tou, in asiz lo kote drwat Bondye pour touzour.

Ebre 4:15

Annefe, nou Gran-Pret i enn ki kapab soufer avek nou dan nou febles. I sa enn ki'n ganny tante dan tou keksoz, parey nou, me san komet okenn pese.

Ebre 2:17

Pour sa rezon, ti neseser ki i vin an tou, parey son bann frer. Konmsa, i'n vin zot Gran-Pret ranpli avek bonte e fidel dan son servis devan Bondye, pour fer sir ki pese lepep i ganny pardonnen.

Romen 9:3

Mon ti ava swete ki mon ganny modi par Bondye e separe avek Kris, pour dibyen mon bann frer, mon prop ras.

Levanzil dapre Zan 1:14

Laparol in vin en et imen. I'n vin reste parmi nou. Nou'n war son laglwar; laglwar son sel Garson ki sorti kot Papa, ranpli avek lagras ek laverite.

Levanzil dapre Zan 9:24

Alor, pour en dezyenm fwa, bann Farizyen ti apel sa zonm ki ti'n ne aveg. Zot ti dir li, “Ou devre rann glwar Bondye. Nou konnen ki sa zonm i en peser.”

Mark 15:27

Zot ti krisifye de bandi avek li, enn adrwat, lot agos.

Nonm 28:22

Zot ava ofer avek sa sakrifis en bouk pour pardon pese. Konmsa, rekonsilyasyon dan ou faver i ganny fer.

Romen 7:18

Mon konnen napa nanryen ki bon dan mwan, setadir, dan mon natir. Menm si mon oule fer sa ki byen, mon pa kapab fer li.

Nonm 21:9

Alor, Moiz ti fer en serpan an bronz ki i ti met lo en poto. Dimoun ki ti'n ganny morde e ki ti get sa serpan an metal ti reste vivan.