Romen 1:1 - Labib An Kreol Seselwa

¹ Sa let i sorti kot Pol, serviter Zezi-Kri, ki'n ganny apele pour vin zapot, e ki'n ganny swazir par Bondye pour anons son Bonn Nouvel.

Romen 1:1 Referans Kwoze

Akt de Zapot 9:15

Me Senyer ti dir li, “Ale! Akoz mon'n swazir sa zonm pour ki tou bann nasyon, bann lerwa ek pep Izrael i konn mwan.

Romen 15:16

pour fer mwan vin serviter Zezi-Kri pour bann pep ki non-Zwif. Mon pe fer en servis sakre, anonsan Bonn Nouvel Bondye, pour ki bann non-Zwif i vin en lofrann agreab pour Bondye, konsakre par Lespri Sen.

1 Korentyen 1:1

Sa let i sorti kot Pol, ki'n ganny apele koman zapot Zezi-Kri, par lavolonte Bondye, e osi kot Sostenn nou frer.

Kolosyen 1:1

Sa let i sorti kot Pol ek Timote nou frer, bann serviter Zezi-Kri, par lavolonte Bondye.

Zeremi 1:5

“Avan menm ki mon ti form ou dan vant ou manman, mon ti konn ou. Avan ki ou ti sorti dan son vant, mon'n konsakre ou. Mon'n met ou apar e swazir ou koman profet pour bann nasyon.”

Let Pol pour bann Tit 1:1

Sa let i sorti kot Pol, serviter Bondye, e zapot Zezi-Kri, pour anmenn dan lafwa tou bann ki Bondye in swazir, e dan konnesans laverite, pour zot viv koman Bondye i oule nou viv,

Romen 1:9

Bondye ki mon servi avek tou mon leker an anonsan Bonn Nouvel son Garson, i temwen ki tou sa ki mon pe dir i vre: I konnen ki mon touzour mazin zot

2 Korentyen 1:1

Sa let i sorti kot Pol, zapot Zezi-Kri, par lavolonte Bondye, ek nou frer Timote, pour Legliz Bondye ki dan provens Korent, e pour tou bann krwayan ki partou dan provens Lagres.

1 Korentyen 9:1

Pa mon lib? Pa mon en zapot? Pa mon'n war Zezi nou Senyer? Pa zot rezilta mon travay dan servis Senyer?

2 Timote 1:11

Bondye in swazir mwan koman en zapot e en ansennyan pour anons Bonn Nouvel.

1 Timote 1:1

Sa let i sorti kot Pol, zapot Zezi-Kri lo lord Bondye, nou Sover ek Zezi-Kri ki nou lesperans.

Galat 1:1

Sa let i sorti kot Pol, en zapot ki pa'n ganny swazir par zonm, ni par lentermedyer zonm, me par Zezi-Kri e par Bondye, son Papa ki'n resisit li,

1 Timote 2:7

Pour sa rezon, ki mon'n ganny anvoye koman en zapot e ansennyan kot bann non-Zwif, pour anons mesaz lafwa ek laverite. Mon pa pe koz manti, mon pe dir laverite.

1 Tesalonisyen 2:2

Zot osi konnen ki, avan nou ti vin kot zot, nou ti ganny ensilte e maltrete dan lavil Filipi. Malgre en gran lopozisyon, Bondye ti donn nou kouraz pour anons zot Bonn Nouvel.

Romen 1:5

Par li, nou'n resevwar lagras ek misyon koman zapot pour anmenn bann nasyon krwar dan li e obeir li.

Filipyen 1:1

Sa let i sorti kot Pol ek Timote, bann serviter Zezi-Kri. Nou pe ekri tou bann zabitan Filipi ki fer parti pep Bondye, ini avek Zezi-Kri. Nou mesaz i adres osi pour bann dirizan Legliz ek bann dyak.

Revelasyon 1:1

Sa liv i Revelasyon Zezi-Kri ki Bondye ti donn li pour li montre son bann serviter sa ki devre arive byento. Kris in anvoy son lanz kot son serviter Zan, pour fer li konnen.

Let Zid 1:1

Sa let i sorti kot Zid, serviter Zezi-Kri, e frer Zak. Pour tou bann ki'n ganny apele par Bondye e ki viv dan lanmour Bondye Papa e ki ganny garde par Zezi-Kri.

2 Pyer 1:1

Sa let i sorti kot Simon Pyer, en serviter e zapot Zezi-Kri, pour bann ki'n resevwar en lafwa osi presye ki pour nou, par lazistis nou Bondye e nou Sover Zezi-Kri.

Let Zak 1:1

Sa let i sorti kot Zak, en serviter Bondye e Senyer Zezi-Kri: Pour sa 12 tribi disperse partou dan lemonn, meyer salitasyon!

Ebre 5:4

Personn pa kapab fer son lekor sa loner pour vin en Gran-Pret. I ganny apele par Bondye, parey Aaron li menm ti ganny apele.

Filipyen 2:11

e ki tou i proklanmen, ki Zezi-Kri i Senyer, pour laglwar Bondye Papa.

Efezyen 4:11

Li menm ki'n etabli serten koman zapot, ouswa koman profet; serten pour anons Bonn Nouvel, serten koman paster, oubyen serten koman ansennyan.

Efezyen 1:13

Zot osi, kan zot ti antann mesaz laverite, Bonn Nouvel ki'n vin sov zot, zot i'n krwar dan Kris. Alor, Bondye in met son mark personnel lo zot kan i ti donn zot Lespri Sen ki i ti'n promet.

2 Korentyen 12:11

Mon'n koz koman en fou! Me zot ki'n fors mwan. Zot ki ti devre koz dan mon faver. Annefe, menm si mon en nanryen ditou, mon pa ditou enferyer avek zot bann gran zapot.

2 Korentyen 11:5

Mon pa krwar ki mon enferyer avek sa bann zapot ki fer zot pas pour siperyer.

2 Korentyen 4:5

Annefe, kan nou prese, pa nou menm ki nou pe proklanmen, me Zezi-Kri koman Senyer. Lo nou kote, nou konsider nou koman zot serviter akoz Zezi.

Romen 1:16

Mon pa onte pour anons Bonn Nouvel. Annefe, i en pwisans ki Bondye i servi pour sov tou dimoun ki krwar: Dabor bann Zwif, answit bann non-Zwif.

Akt de Zapot 22:21

Me Senyer ti dir mwan, “Ale! Mon pou anvoy ou lwen, ver bann non-Zwif.”

Akt de Zapot 22:7

Mon ti tonm ater e mon ti antann en lavwa ki ti dir mwan: Sol, Sol! Akoz ou pe persekit mwan?

Akt de Zapot 20:24

Me mon pa atas okenn valer spesyal avek mon lavi. Pourvi ki mon kapab akonpli mon misyon e fini sa travay ki Senyer Zezi in konfye mwan, pour anons Bonn Nouvel lagras Bondye.

Revelasyon 22:9

Me i ti dir mwan: Pa fer sa! Mwan osi mon en serviter parey ou, parey ou bann frer bann profet ek tou bann ki obei parol sa liv. Bondye ki ou bezwen adore.

Kolosyen 1:25

Annefe, mon'n vin serviter Legliz par sa responsabilite ki Bondye in konfye mwan pour akonplir pour zot, setadir, pour anons son mesaz:

Efezyen 1:1

Sa let i sorti kot Pol, en zapot Zezi-Kri, par lavolonte Bondye. Pour bann kretyen ki dan Efez e ki fidel dan Zezi-Kri:

Romen 16:25

Aprezan, annou rann glwar sa enn ki annan pouvwar pour rann zot for dapre Bonn Nouvel e dapre Zezi-Kri ki mon pe anonse, dapre revelasyon mister Bondye ki'n reste sekre pandan lontan.

Romen 16:18

Annefe, sa bann dimoun pa servi Kris, nou Senyer, me zot vant. Par zot bann zoli parol ek bann diskour flater, zot arive anbet dimoun ki lespri i senp.

Romen 15:29

Mon konnen ki an arivan kot zot, mon pou ariv ranpli avek benediksyon Kris.

Romen 11:13

Aprezan, mon koz avek zot, bann non-Zwif: Koman zapot pour bann non-Zwif, mon kontan sa minister.

Akt de Zapot 27:23

Annefe, pandan lannwit, en lanz mon Bondye ki mon servi ti apros mwan.

Akt de Zapot 26:1

Agripa ti dir avek Pol, “Mon donn ou permisyon pour prezant ou defans.” Alor Pol ti fer siny avek son lanmen e konmans son defans:

Akt de Zapot 13:9

Alor, Sol ki ti osi apel Pol, ranpli avek Lespri Sen, ti fikse Elimas.

Levanzil dapre Zan 15:15

Mon nepli apel zot serviter, akoz en serviter pa konnen sa ki son met i fer. Me mon apel zot zanmi, akoz mon'n dir zot tou sa ki mon Papa i'n dir mwan.

Levanzil dapre Zan 12:26

Sa enn ki oule servi mwan, fodre ki i swiv mwan; e la kot mon ete, mon serviter ava la avek mwan. Sa enn ki oule servi mwan, mon Papa pou rekonpans li.”

Ezai 49:1

Zabitan bann zil! Ekout mwan. Bann pep ki reste lwen! Port atansyon. SENYER in apel mwan avan ki mon ti ne; in apel mwan depi dan vant mon manman.

1 Kronik 23:13

Bann garson Anmranm: Aaron ek Moiz. Aaron ek son bann garson ti ganny konsakre pour servis tre sen, pour ofer lansan devan SENYER, pour ofisye pour li e pronons bann benediksyon lo son non, pour touzour.

Deterononm 10:8

Dan sa letan, SENYER ti swazir tribi Levi pour anmenn Kof Lalyans SENYER, e prezant devan SENYER pour servi li e pronons bann benediksyon an son non.

Revelasyon 22:6

Apre, lanz ti dir mwan: Sa bann parol i sir e vre. Senyer, Bondye ki enspir bann profet, in anvoy son lanz pour montre son bann serviter sa ki devre arive byento.

Ebre 7:26

Zezi i sa Gran-Pret ki nou ti bezwen: I sen, inosan, san pese, separe avek tou bann peser e plase pli o ki lesyel.

Akt de Zapot 26:14

Nou tou, nou ti tonm ater; mon ti antann en lavwa ki ti dir mwan dan lalang Ebre: Sol, Sol! Akoz ou persekit mwan? Pa servi nanryen reziste parey en zannimo kont baton son met.

Akt de Zapot 21:40

Komandan ti donn li permisyon. Pol alor, ti debout lo leskalye e avek lanmen i ti fer en siny avek lepep. Kan zot ti'n reste trankil, Pol ti adres zot an Ebre.

Levanzil dapre Zan 15:20

Rapel byen sa ki mon ti dir zot: En serviter pa pli enportan ki son met. Si zot in persekit mwan, zot osi, zot pou ganny persekite. Si zot in obei mon lansennyman, zot pou osi obei lansennyman ki zot pou donnen.

Mark 1:14

Apre ki Zan ti'n ganny arete e met dan prizon, Zezi ti vin Galile kot i ti proklanm Bonn Nouvel sorti kot Bondye.

2 Korentyen 2:12

Kan mon ti ariv Troas pour anons Bonn Nouvel Kris, menm si Senyer ti'n ouver en laport,

2 Korentyen 11:7

Eski mon'n fer en pese an abesan mon prop lekor pour elev zot, kan mon ti anons zot gratwitman Bonn Nouvel Bondye?

1 Tesalonisyen 2:8

Akoz nou lafeksyon pour zot, nou ti pare pour anons zot non selman Bonn Nouvel Bondye, me osi donn nou prop lavi pour zot, akoz nou lanmour pour zot i gran.

1 Tesalonisyen 2:9

Mon bann frer ek ser! Zot rapel sertennman nou travay ek nou lafatig: Pandan ki nou ti pe anons zot Bonn Nouvel, nou ti travay aswar koman lizour, pour ki nou pa vin en traka pour personn.

1 Pyer 4:17

Annefe, ler i'n arive pour zizman konmanse, e se par pep Bondye ki i pou konmanse. Alor, si zizman Bondye i konmans par nou, ki pou arive avek sa bann ki refize krwar dan Bonn Nouvel Bondye?