Rit 1:17 - Labib An Kreol Seselwa

¹⁷ Kot ou pou mor mon pou mor e ganny antere lanmenm. Mon demande ki SENYER i anvoy pinisyon terib lo mwan, si pa zis lanmor ki pou separ mwan ek ou.”

Rit 1:17 Referans Kwoze

1 Samyel 3:17

Eli ti demann li, “Ki SENYER in dir ou? Pa kasyet mwan nanryen. Bondye ava pini ou severman si ou pa dir mwan tou sa ki i'n dir ou.”

2 Rwa 6:31

Lerwa ti dir, “Ki Bondye i pini mwan, si latet Elize, garson Safat, i reste lo son zepol ozordi.”

1 Rwa 2:23

Lerwa Salomon ti fer sa serman devan SENYER, “SENYER ava pini mwan si sa parol pa kout Adoniya son lavi.

2 Samyel 19:13

Al demann osi avek Amasa, “Pa ou mon lezo ek mon laser? Bondye i ava pini mwan sa mon pa etabli ou pour touzour, komandan mon larme dan plas Zoab.”

1 Rwa 20:10

Benn-Hadad ti anvoy dir Akab, “Bann bondye pini mwan! Lapousyer Samari pa pou ase pour ranpli kre lanmen bann gerye lo mon semen.”

1 Samyel 25:22

Mon demande ki SENYER i pini mwan, si demen bomaten, mwan David, mon les en sel zonm vivan dan fanmir Nabal.

2 Samyel 3:35

Alor, lepep ti fors David manze, letan ti ankor lizour. Me David ti fer sa serman, “Bondye ava pini mwan si mon manz en sel morso dipen oubyen nenport kwa avan soley i kouse!”

Akt de Zapot 11:23

Kan i ti ariv Antyos, i ti war ki mannyer Bondye ti'n beni son pep. I ti kontan e i ti ankouraz zot pour reste fidel anver Senyer.

1 Rwa 19:2

Zezabel ti anvoy en mesaze kot Eli pour dir li, “Mon demann bann bondye pini mwan, si demen, menm ler, mon pa'n fer avek ou lavi parey ou'n fer avek pour zot.”

2 Samyel 3:9

Bondye ava pini mwan si mon pa fer pour David dapre serman ki Bondye in fer avek li:

Akt de Zapot 20:24

Me mon pa atas okenn valer spesyal avek mon lavi. Pourvi ki mon kapab akonpli mon misyon e fini sa travay ki Senyer Zezi in konfye mwan, pour anons Bonn Nouvel lagras Bondye.

Rit 1:16

Me Rit ti dir li, “Pa ensiste pour fer mwan kit ou, pour aret swiv ou. Kot ou pou ale, mon pou ale, e kot ou pou reste mon pou reste. Ou pep pou vin mon pep, e ou Bondye, pou vin mon Bondye.

Rit 4:15

I ava redonn ou lavi e nouri ou dan ou vye zour. Ou belfiy ki kontan ou, i annan plis valer pour ou ki set garson.”

1 Samyel 14:44

Sail ti dir, “Bondye ava pini mwan severman. Zonatan! Ou pou mor.”

1 Samyel 20:13

Me si mon papa i anvi fer ou ditor, mon ava osi fer ou konnen, e mon ava les ou al anpe. SENYER ava avek ou parey i ti avek mon papa.

2 Samyel 15:21

Itai ti reponn lerwa, “Lo lavi SENYER, e lo ou lavi, mon rwa, mon senyer! Kot ou pou ete, pou mor, oubyen pour viv, mwan, ou serviter mon pou lanmenm.”

1 Rwa 13:31

Apre ki zot ti'n anter lekor, sa profet ti dir son bann garson, “Kan mon mor, anter mwan dan sa menm tonbo kot sa profet Bondye in antere; depoz mon lezo akote son lezo.

Psonm 45:10

Mon fiy! Regarde e ekout byen. Oubliy ou pep ek ou fanmir.