Psonm 99:9 - Labib An Kreol Seselwa

⁹ Proklanmen ki SENYER, nou Bondye i gran! Prosternen devan son montanny sen, akoz SENYER, nou Bondye i Sen.

Psonm 99:9 Referans Kwoze

Levanzil dapre Lik 1:49

Bondye Toupwisan in fer gran mervey pour mwan. Son Non i sen.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Ezai 5:16

Me, SENYER liniver pou ganny glorifye akoz i zis; Bondye sen ava montre ki i sen par lazistis.

Revelasyon 4:8

Sa kat kreatir vivan ti annan sakenn sis lezel e zot ti kouver avek lizye partou, anndan deor. Lizour koman aswar, zot ti sante san pozman: Sen, sen, sen, Senyer Bondye Toupwisan, sa enn ki ti egziste, ki egziste, e ki pe vini.

Psonm 2:6

Mwan ki'n etabli mon lerwa lo Siyon, mon montanny sen.

1 Samyel 2:2

Zis SENYER ki sen. Napa personn parey li. Okenn Ros protekter pa parey nou Bondye.

Habakouk 1:12

SENYER, mon Bondye, mon Sen! Ou ki SENYER, depi touzour. Ou pa pou mor. SENYER! Ou'n swazir bann Babilonyen pour egzekit ou zizman. Mon Ros protekter! Ou'n etabli zot pour pini nou.

Ezai 6:3

Zot ti pe apel kanmarad. Zot ti dir: Sen, sen, sen SENYER liniver! Later antye i ranpli avek son prezans!

Psonm 99:5

Loue SENYER, nou Bondye! Ador li devan son tronn! SENYER, i sen.

Psonm 99:3

Loue son non ki gran e formidab. SENYER, i sen.

Revelasyon 3:7

Ekri Lanz Legliz dan Filadelfi: La sa ki sa enn ki Sen e Vre i deklare; sa enn ki posed lakle David, ki ouver e personn pa kapab fermen, ki fermen e personn pa kapab ouver:

Psonm 132:7

Annou al kot i reste; annou al prostern devan son tronn.