Psonm 96:3 - Labib An Kreol Seselwa

³ Proklanm son grander parmi tou bann nasyon; rakont son bann mervey parmi tou bann pep.

Psonm 96:3 Referans Kwoze

Psonm 22:27

Later antye, ava mazin SENYER. Zabitan later ava retourn ver li. Tou bann fanmir bann pep ava ador li.

Levanzil dapre Lik 24:47

Repantans ek pardon pese pou ganny anonse dan son non avek tou nasyon, an konmansan par Zerizalenm.

Matye 28:19

Al parmi zabitan bann nasyon, e fer zot vin mon bann disip. Batiz zot lo non Papa, lo non Garson e lo non Lespri Sen.

Zakari 9:10

I pou detri kales lager dan Efraim e seval lager dan Zerizalenm. Bann fles lager pou ganny detri e i pou proklanm lape pour bann nasyon. Son pouvwar pou al depi en kote lanmer ziska lot, depi larivyer Efrat ziska dan bout later.

Mise 4:2

Plizyer nasyon pou vin la. Zot pou dir: Vini! Annou mont ver montanny SENYER, ver tanp Bondye Zakob. I ava fer nou konn son semen.

Ezai 49:6

I ti deklare: Mon'n swazir ou koman mon serviter zis pour relev bann tribi Zakob e ranmenn leres Izrael ver mwan. Mon pou fer ou vin en lalimyer bann nasyon, pour ki tou zabitan later antye ava ganny sove par mwan.

Psonm 9:2

Mon pou rezoui dan lazwa, mon pou loue ou non, Bondye Treo!

Psonm 57:9

SENYER! Mon pou loue ou parmi bann pep. Mon pou sant ou louanz parmi bann nasyon.

Psonm 150:2

Loue li pour bann mervey ki i'n fer! Loue li pour son grander enfini!