Psonm 92:9 - Labib An Kreol Seselwa

⁹ SENYER! Ou bann lennmi, wi, ou bann lennmi pou ganny detri. Tou bann malfeter pou ganny disperse.

Psonm 92:9 Referans Kwoze

Psonm 37:20

Me bann malfeter pou ganny detri. Bann lennmi SENYER pou disparet parey bann fler dan lakanpanny. Zot pou ale, zot pou disparet parey lafimen.

Psonm 89:10

Ou ki ti kraz Lezip parey en kadav. Avek ou pwisans ou ti fer ou bann lennmi fannen.

Levanzil dapre Lik 21:24

Zot pou ganny masakre, e ganny anmennen koman prizonnyen parmi tou bann nasyon. Zerizalenm pou ganny kraze anba lipye bann etranze, ziska letan ki'n ganny determinen ava'n akonpli.”

Levanzil dapre Lik 19:27

Kanta mon bann lennmi ki pa ti oule mwan koman zot lerwa, anmenn zot isi e touy zot devan mwan.”

Matye 7:23

Alor, mon pou reponn zot: Mon pa'n zanmen konn zot. Sorti la lwen ek mwan, zot ki pratik lemal.

Ezekyel 5:12

En tyer ou zabitan pou mor, swa par lepidemi, oubyen par lafanmin dan lavil; en tyer pou ganny masakre dan zalantour; en tyer, mon pou disperse par tou kote e mon pou servi mon lepe kont zot.

Ezai 17:13

Bann nasyon i gronnyen parey bann gro laroul. Me SENYER pou rezet zot, e zot ava sov byen lwen. Zot ganny pouse parey lapay dan divan lo montanny, parey en tourbiyon lapousyer avan tanpet.

Psonm 73:27

Annefe, dimoun ki lwen avek ou pou disparet; ou detri sa bann ki abandonn ou.

Psonm 68:30

Menas Lezip, ki parey en zannimo sovaz dan lanmar! Menas kont bann nasyon ki parey en troupo toro ek bann zenn toro. Zot ava vin bes zot latet devan ou e ofer ou zot kado. Fer fannen bann pep ki kontan lager!

Psonm 59:11

Pa touy zot, sinon mon pep ava oubliye. Par ou lafors, fer zot tranble e fer zot tonbe. SENYER! Nou boukliye.

Psonm 1:4

I pa parey bann malfeter: Zot koman lapay ki voltize dan divan.

Ziz 5:31

SENYER! Fer ou bann lennmi disparet parey. Fer ou bann zanmi vin parey soley ler i leve dan tou son pwisans. E pei ti dan lape pandan 40 an.

Deterononm 28:64

SENYER ava dispers ou parmi tou bann pep partou lo later. Ou ava servi lezot bondye fer avek dibwa ek ros, ki ni ou ni ou bann zanset pa'n zanmen konnen.

Nonm 10:35

Sak fwa ki Kof Lalyans ti deplase, Moiz ti priye: Leve SENYER! Fer ou bann lennmi disperse; fer sa bann ki ay ou fannen partou.

Levitik 26:33

Mon pou dispers zot parmi bann nasyon e anvoy lager kont zot. Zot pei pou vin en dezolasyon e zot bann lavil ava vin en ta debri.

Psonm 97:9

Annefe, ou menm SENYER, Bondye Treo, par lao later! Ou ganny eleve par lao tou bondye.

Psonm 102:13

Ou pou leve, e ou pou pran pitye pour Zerizalenm, akoz in ler pour ou konsol li. Son ler in vreman arive.

Psonm 102:25

Depi lontan, ou'n etabli fondasyon later; lesyel i travay fer par ou lanmen.