Psonm 92:7 - Labib An Kreol Seselwa

⁷ Menm si bann malfeter i pous parey move zerb e bann ki fer sa ki mal i prospere, zot pou ganny detri pour touzour.

Psonm 92:7 Referans Kwoze

Psonm 37:38

Me tou bann ki revolte pou ganny detri; zot bann desandan pou disparet.

1 Pyer 1:24

Annefe, parey Lekritir i deklare: Tou dimoun i koman zerb. Tou zot laglwar i koman fler zerb. Zerb i sek e fler i fletri.

Malasi 4:1

SENYER liniver i deklare: La sa zour pe arive. I pou so parey en dife kot tou bann arogan ek bann malfeter pou brile parey lapay. Sa zour, zot pou bril tou konpletman, san les ni rasin ni brans.

Malasi 3:15

Nou war bann arogan byennere, bann malfeter i prospere. Zot menm teste Bondye e zot pa ganny pini.

Psonm 73:12

Get zot, sa bann move dimoun! Zot napa traka, zot kontinyen akimil larises.

Liv Zob 12:6

Voler i viv anpe anba son latant. Sa enn ki provok Bondye i an sekirite. Son prop lafors in vin son Bondye.

Ezai 37:27

Tandis ki zot bann zabitan nepli annan lafors; zot per e zot dan konfizyon. Zot in vin koman bann plant dan laplenn e frazil koman zerb koman gazon lo twa lakaz ki ganny brile avan i pouse.

Proverb 1:32

Annefe, bann fou pou disparet, akoz zot rezet lasazes. Bann fou i disparet par zot prop lensousyans.

Psonm 94:4

Zot koz bann parol arogan; tou bann malfeter pe vant zot lekor.

Psonm 73:22

Mon ti koman en abriti. Mon ti parey en bebet devan ou.