Psonm 92:6 - Labib An Kreol Seselwa

⁶ Dimoun bet pa konn nanryen. Sa enn ki fou pa konpran nanryen.

Psonm 92:6 Referans Kwoze

Psonm 73:22

Mon ti koman en abriti. Mon ti parey en bebet devan ou.

Psonm 94:8

Bann fou! Konpran sa. Kan eski zot pou konpran?

Proverb 1:22

Zot bann bet! Ziska kan zot pou kontinyen kontan zot sotiz? Ziska kan bann ensolan pou kontan ensilte, e bann sot deteste konnesans?

Psonm 49:10

Me nou remarke, dimoun saz i mor avek bann fou ek bann brit. Zot kit zot larzan pour lezot.

1 Korentyen 2:14

Me zonm ki kont zis lo son bann fakilte imen, pa kapab aksepte bann verite ki Lespri Bondye i kominike. Pour li, sa i en lafoli; i pa kapab konpran, akoz zis Lespri ki kapab fer li disernen.

Zeremi 10:14

Zot tro bet e zot pa konpran nanryen ditou. Bann fabrikan zidol i kanmi, akoz sa bann stati ki zot fer i fo; zot napa okenn lavi.

Proverb 24:7

Lasazes i tro gran pour en fou; i pa ouver son labous devan laport lavil.

Levanzil dapre Lik 12:20

Me Bondye ti dir li: Enbesil! Tanto menm ou pou bezwen rann kont ou lavi. Lekel ki pou ganny tou sa ki ou'n anmase?”

Ezai 1:3

En bef i konn son met, en bourik i konn manzwar kot son met i donn li manze; me Izrael pa konn mwan; mon pep pa konpran.

Proverb 30:2

I vre ki mon pli bet ki nenport ki zonm; mon napa disernman imen.

Psonm 32:9

Pa fer parey en seval oubyen en bourik bet ki bezwen en mor ek en labrid pour kontrol zot lelan.

Psonm 14:1

Bann fou i dir dan zot leker: Napa Bondye. Zot koronpi. Zot fer bann aksyon degoutan. Personn pa fer sa ki byen.

Psonm 75:4

Mon dir avek bann arogan: Pa fer vantar. Avek bann malfeter: Pa vant zot lekor.

Psonm 104:24

SENYER! Ou'n fer tou keksoz; tou in ganny fer avek lasazes. Later i ranpli avek tou sa ki ou'n kree.

Psonm 139:14

Mon loue ou, akoz ou'n fer mwan en kreatir vreman merveye. Mon rekonnet ki tou sa ki ou'n fer i merveye.

Ezai 28:29

Sa metod travay, ou osi aprann avek SENYER liniver. Son konsey i merveye, i ranpli avek lasazes.

Ezai 55:9

Parey lesyel i lwen par lao later, mon fason azir i bokou pli lwen par lao zot fason azir e mon panse i pli o ki zot panse.

Zeremi 32:19

Ou bann proze i gran; ou realiz zot avek pwisans. Ou port bokou latansyon lo tou sa ki dimoun i fer; ou tret sakenn zot dapre son kondwit e dapre fri son bann aksyon.