Psonm 92:5 - Labib An Kreol Seselwa

⁵ Ou'n fer en kantite gran mervey. Ou bann travay i vreman gran, SENYER! Ou bann panse i tre profon.

Psonm 92:5 Referans Kwoze

Psonm 40:5

SENYER mon Bondye! Ou'n fer en kantite keksoz merveye pour nou; napa personn parey ou. Mon anvi fer konnen ou bann mervey. Me i annan tro bokou pou rakonte.

Psonm 139:17

Mon Bondye! Mon pa kapab konpran ou. Ou bann panse i vreman tro difisil pour mwan konpran.

1 Korentyen 2:10

Bondye in revel son sekre avek nou, par Lespri Sen. Annefe, Lespri i kapab egzamin tou, menm plan pli sekre Bondye.

Psonm 111:2

Sa ki SENYER i fer i merveye; tou dimoun ki rekonnet sa, i reflesir lo la.

Revelasyon 15:3

Zot ti pe sant kantik Moiz, serviter Bondye, ek kantik Zenn Mouton: Senyer Bondye Toupwisan! Ou travay i gran e merveye. Lerwa bann nasyon! Tou ou bann plan i zis e vre.

Ezai 28:29

Sa metod travay, ou osi aprann avek SENYER liniver. Son konsey i merveye, i ranpli avek lasazes.

Psonm 104:24

SENYER! Ou'n fer tou keksoz; tou in ganny fer avek lasazes. Later i ranpli avek tou sa ki ou'n kree.

Psonm 66:3

Dir Bondye: Tou sa ki ou fer i vreman formidab. Akoz ou pwisans, ou bann lennmi i kourbe devan ou.

Zeremi 23:20

Sa lakoler SENYER pa pou arete ziska ki SENYER in akonpli tou sa ki i ti annan lentansyon fer. Plitar, zot ava konpran tousala.

Eklezyas 7:24

Lekel ki kapab dekouver sa ki egziste? I tre lwen e tro profon?

Psonm 36:6

Ou lazistis i depas bann montanny; ou bann zizman i desann ziska dan profonder lanmer. SENYER! Ou sov bann et imen ek bann zannimo.

Psonm 64:6

Zot prepar zot bann move kou. Zot dir: Nou'n byen kalkil nou plan. Lekel ki kapab konn profonder leker imen?