Psonm 9:16 - Labib An Kreol Seselwa

¹⁶ SENYER in montre ki i ete. Dan son zizman, in fer bann move dimoun pri dan zot prop latrap.

Psonm 9:16 Referans Kwoze

Egzod 7:5

Konmsa, ler mon ava poz mon lanmen lo Lezip e fer bann Izraelit sorti parmi zot, bann Ezipsyen ava konnen ki mwan menm SENYER.”

Ezai 8:15

Akoz li, bokou pou tonbe. Zot pou tonbe e ganny blese. Zot pou tonm dan latrap e pri ladan.

Proverb 12:13

En malfeter i pri dan son prop parol; me dimoun onnet i sape dan maler.

Ziz 1:7

Adoni-Bezek ti dir, “70 lerwa ki ti'n ganny pous lanmen ek lipye koupe ti vin ranmas restan manze anba mon latab. Sa ki mon'n fer, Bondye in rann mwan laparey.” I ti ganny anmennen Zerizalenm kot i ti mor.

Egzod 14:4

Mon pou andirsi leker Faraon; i pou pourswiv zot e mon pou ganny laglwar atraver Faraon ek son pep. Tou Ezipsyen pou konnen ki se mwan SENYER”. Sanmenm ki zot ti fer.

Proverb 6:2

si ou'n ganny pran par ou prop parol e atrape par ou prop promes,

Psonm 48:11

Montanny Siyon i dan lazwa, bann lavil Zida i selebre, akoz ou bann zizman.

Psonm 19:14

Mon demann ou aksepte bann parol mon labous e panse mon leker. SENYER! Ou menm mon Ros protekter! Ou menm mon Sover!

Psonm 11:6

I pou fer tonm en lapli labrez sarbon ek souf lo bann malfeter. I pou soufle en divan tanpet.

Psonm 5:1

SENYER! Ekout mon lapriyer. Pran ka avek mon konplent. Ekout mwan, akoz mon pe apel ou.

2 Rwa 19:19

Aprezan SENYER, nou Bondye, mon sipliy ou, sov nou anba lanmen Senakerib. Konmsa, tou bann rwayonm lo later ava konnen ki zis ou, SENYER, ki Bondye.

1 Samyel 17:46

Ozordi, SENYER pou livre ou dan mon lanmen; mon pou bat ou e koup ou likou. Ozordi, mon pou donn bann zwazo dan lezer ek bann zannimo lo later, kadav bann Filisten dan kan. Konmsa, lemonn antye ava konnen ki i annan en Bondye pour Izrael.

Egzod 14:31

Pep Izrael ti war lafors lanmen SENYER kont bann Ezipsyen. Alor, lepep ti ganny respe pour SENYER. Zot ti krwar dan SENYER e dan son serviter Moiz.

Egzod 14:10

Kan Faraon ti pe aprose, pep Izrael ti lev lizye e la, zot ti war bann Ezipsyen pe pourswiv zot e zot ti per. Pep Izrael ti kriy ver SENYER.

Ezai 28:13

Alor, SENYER pou ansenny laliny apre laliny, laliny apre laliny, en pe isi, en pe laba. Konmsa, zot ava marse, tonm par ledo e kas zot lezo; zot ava ganny atrape e ganny fer prizonnyen.

Psonm 140:9

Bann ki pe antour mwan pe lev latet. Zot in swet mon maler. Fer ki sa maler i retonm lo zot.

Psonm 92:3

avek lenstriman lanmizik dis lakord, laarp ek lanmizik sitar.

Liv Zob 18:9

Son talon in pri dan latrap; latrap in konmans ser li.

Psonm 7:16

Maler ki zot ti'n prepare i retonm lo zot. Zot bann kou vyolan i retonm lo zot prop latet.

Danyel 6:25

Apre sa, lerwa Dariis ti ekri tou bann pep, tou nasyon dan diferan pei e tou langaz atraver later antye: Mon swete ki zot ava ganny en gran lape!