Psonm 9:12 - Labib An Kreol Seselwa

¹² Bondye pa oubliy lapenn bann malere. I vanz sa enn ki fer krim.

Psonm 9:12 Referans Kwoze

Egzod 3:7

SENYER ti dir, “Mon'n byen war soufrans mon pep Lezip, e mon'n antann zot kriye anba kou bann sef latas. Mon konn zot soufrans.

Psonm 34:6

Kan en malere i kriye, SENYER i antann li. I delivre li dan tou son detres.

Revelasyon 16:6

Annefe, dimoun in vers disan ou bann sen ek ou bann profet, e ou, ou'n donn zot disan pour bwar. Zot in ganny sa ki zot merite.

Zenez 9:5

Mon pou demann kont zot disan, ki zot lavi; mon pou demann kont en zannimo ki touy en et imen. Sak et imen ki pran lavi son sanblab devre rann kont.

Ezai 26:21

La SENYER pe sorti kot i ete pour li pini bann zabitan later pour zot bann forfe. Later ava les war disan ki'n koule; i pou nepli kasyet son bann viktim.

Psonm 22:24

SENYER pa'n ni rezet, ni mepriz dimoun pov ki dan maler. I pa ti kasyet li son figir; i ti reponn li kan i ti kriy ver li.

Ziz 10:16

Bann Izraelit ti debaras zot avek bann bondye etranze parmi zot e konmans servi SENYER ki ti pran pitye pour soufrans pep Izrael.

Psonm 102:17

I pou ekout lapriyer bann ki'n ganny abandonnen e i pa pou rezet zot lapriyer.

Psonm 10:17

SENYER! Ou ekout lapriyer bann dimoun ki annan limilite. Ou pou redonn zot kouraz, e ekout zot,

Psonm 10:14

Me ou war tou sa ki pe pase: Ou war zot soufrans ek zot lapenn. Ou fer sir ki tou i dan ou lanmen. Malere i met son konfyans dan ou e se ou ki vin osekour bann orfelen.

2 Rwa 24:4

I ti'n fer koule telman disan inosan, ki Zerizalenm ti'n ranpli avek disan. SENYER pa ti oule pardonnen.

Egzod 3:9

Aprezan, leokri bann Izraelit in ariv ziska kot mwan e mon'n war ki mannyer bann Ezipsyen pe fer zot soufer.

Matye 23:35

Alor, disan tou sa bann inosan ava tonm lo zot, depi disan Abel, sa inosan, ziska disan Zakari, garson Bakari ki zot ti touye ant sanktyer ek lotel.

Psonm 68:17

Bondye i sorti Sinai; i desann dan son sanktyer sakre avek bann kales lager par milye.

Psonm 74:2

Mazin ou pep ki ou ti swazir depi lontan, tribi ki ou'n sove pour fer li ou pep. Mazin montanny Siyon kot ou'n fer ou demer.

Psonm 76:3

La, i ti kas bann dart laflanm, bann boukliye, bann lepe ek bann zarm lager.

Psonm 132:13

Annefe, SENYER in swazir Zerizalenm koman sa landrwa kot i anvi reste.

Ezai 8:18

Mwan, avek bann zanfan ki SENYER in donn mwan, nou koman siny lavertisman pour Izrael, sorti kot SENYER liniver, ki reste lo Montanny Siyon.