Psonm 9:1 - Labib An Kreol Seselwa

¹ SENYER! Avek tou mon leker mon remersye ou. Mon pou rakont tou ou bann mervey.

Psonm 9:1 Referans Kwoze

Psonm 86:12

SENYER, mon Bondye! Mon oule dir ou mersi avek tou mon leker. Mon pou touzour glorifye ou non.

1 Kronik 16:24

Proklanm son grander, parmi bann nasyon. Rakont son bann mervey, parmi tou bann pep!

Psonm 111:1

Loue SENYER! Mon pou loue SENYER avek tou mon leker parmi bann ki leker i pir.

Psonm 26:7

Mon sant en kantik remersiman pour tou bann mervey ki ou'n fer pour mwan.

Ebre 13:15

Alor, par Zezi, annou touzour ofer Bondye en sakrifis louanz, setadir, annou toultan loue son non avek nou labous.

Ezai 43:21

Sa pep ki mon'n formen zis pour mwan ava sant mon louanz.

Psonm 7:17

Mon pou remersye SENYER akoz i zis. Mon pou loue non SENYER Treo.

1 Kronik 16:12

Rapel son bann mervey ki i'n fer, Son bann gran keksoz ek bann zizman ki i'n anonse,

Psonm 138:1

SENYER! Mon remersye ou avek tou mon leker; mon loue ou devan tou bann lanz.

Psonm 51:15

SENYER! Ouver mon labous e mon ava sant ou louanz.

Levanzil dapre Lik 10:27

Sa profeser Lalwa ti reponn li, “Kontan Senyer ou Bondye avek tou ou leker, avek ou et antye, avek tou ou lafors, avek tou ou lespri, e ou prosen parey ou menm.”

Revelasyon 15:3

Zot ti pe sant kantik Moiz, serviter Bondye, ek kantik Zenn Mouton: Senyer Bondye Toupwisan! Ou travay i gran e merveye. Lerwa bann nasyon! Tou ou bann plan i zis e vre.

Ezai 12:1

Sa zour, ou pou dir: Mon loue ou, SENYER! Menm si ou ti ankoler avek mwan. Ou ti ankoler avek mwan, me aprezan, ou lakoler in tonbe e ou konsol mwan.

Ezai 60:6

En kantite samo pou kouver ou teritwar, bann zenn samo sorti Madyann ek Efa; tou bann zabitan ki sorti Saba pou vini. Zot pou anmenn lor ek lansan e zot pou proklanm louanz SENYER.

Psonm 106:2

Lekel ki kapab rakont tou bann mervey ki i'n fer? Lekel ki kapab fini loue li?

Psonm 9:14

pour mwan rakont devan laport Zerizalenm tou bann mervey ki ou'n fer. Mon pou danse dan lazwa, akoz ou'n delivre mwan.