Psonm 86:1 - Labib An Kreol Seselwa

¹ Ekout mwan SENYER! Reponn mwan. Mon pov e mon malere.

Psonm 86:1 Referans Kwoze

Psonm 31:2

Ekout mwan! Delivre mwan. Ou menm mon Ros protekter, mon fortres ki protez mwan.

Psonm 40:17

Mwan, mon en pov malere; me SENYER i mazin mwan. SENYER! Ou menm mon sekour, mon liberater. Mon Bondye pa tarde!

Danyel 9:18

Mon Bondye ekoute! Ouver ou lizye e war nou lavil ki'n konpletman detri, sa lavil kot ou non i ganny envoke. Nou prezant nou siplikasyon devan ou, pa akoz nou'n azir dapre lazistis, me akoz ou gran konpasyon.

Matye 5:3

Byennere bann ki konnen zot pov, akoz Rwayonm lesyel i pour zot!

Psonm 34:6

Kan en malere i kriye, SENYER i antann li. I delivre li dan tou son detres.

Let Zak 2:5

Mon bann frer byenneme! Ekoute: Bondye in swazir dimoun ki pov dan lemonn, pour fer zot ris dan lafwa, e vin bann zeritye Rwayonm ki i'n promet bann ki kontan li.

Levanzil dapre Lik 4:18

Lespri Senyer i lo mwan, akoz in konsakre mwan pour anons Bonn Nouvel avek bann pov. I'n anvoy mwan proklanm delivrans bann prizonnyen, e fer bann aveg war kler, donn laliberte bann ki ganny oprimen,

Ezai 66:2

Tou sa ki egziste, se mon lanmen ki'n fer; alor, tousala i pour mwan. Me mon pran pitye pour sa ki malere, sa ki dan dekourazman, sa ki annan gran respe pour mon parol. SENYER ki deklare.

Ezai 37:17

SENYER! Avek en zorey atantif, ekout nou! Ouver ou lizye, SENYER, get byen! Ekout tou sa bann parol ki Senakerib in anvoye pour ensilte Bondye vivan.

Psonm 142:1

Avek tou mon lafors, mon kriy ver SENYER. Avek tou mon lafors, mon sipliy SENYER.

Psonm 140:12

Mon konnen ki SENYER pa oubliy bann malere e ki i rann zizman an faver bann pov.

Psonm 119:22

Debaras mwan avek dezoner ek mepri, akoz mon'n gard ou bann lord.

Psonm 102:17

I pou ekout lapriyer bann ki'n ganny abandonnen e i pa pou rezet zot lapriyer.

Psonm 17:6

Mon apel ou, mon Bondye, akoz mon konnen ki ou pou reponn mwan. Donn mwan ou latansyon, ekout mon lapriyer.

Psonm 102:1

SENYER! Ekout mon lapriyer. Ekout mon siplikasyon ki mont kot ou.

Psonm 10:14

Me ou war tou sa ki pe pase: Ou war zot soufrans ek zot lapenn. Ou fer sir ki tou i dan ou lanmen. Malere i met son konfyans dan ou e se ou ki vin osekour bann orfelen.

Psonm 25:16

Tourn ver mwan SENYER! Pran pitye pour mwan, akoz mon tousel e mon malere.