Psonm 85:11 - Labib An Kreol Seselwa

¹¹ Fidelite ava monte sorti dan later e depi lesyel, lazistis ava get anba lo later.

Psonm 85:11 Referans Kwoze

Levanzil dapre Zan 14:6

Zezi ti dir li, “Mwan menm semen, laverite e lavi. Personn pa kapab ariv kot mon Papa san pas par mwan.

Ezai 45:8

Lesyel! Fer tonbe lazistis parey laroze. Bann nyaz ava fer tonbe satiman parey lapli. Later! Ouver e les delivrans fleri e fer bourzonnen lazistis. Mwan SENYER ki'n kree tousala.

Efezyen 1:6

Alor, annou loue Bondye pour son lagras, pour donn nou gratwitman sa kado, dan son Garson byenneme.

Levanzil dapre Lik 2:14

“Laglwar Bondye lao dan lesyel! Lape lo later pour dimoun ki i kontan.”

Matye 17:5

Letan Pyer ti pe koze, en nyaz klate ti kouver zot, e en lavwa sorti dan nyaz ti dir: Sa i mon Garson byenneme dan ki mon'n met tou mon lazwa. Ekout li!

Matye 3:17

En lavwa sorti dan lesyel ti dir, “Sa i mon Garson byenneme, ki donn mwan bokou lazwa.”

Ezai 53:2

I'n grandi devan li parey en pti plant byen feb, parey en rasin ki sorti dan en later desese. I ti napa okenn laparans, ni labote ki pou atir nou latansyon; ti napa nanryen pour atir nou ver li.

Ezai 42:21

Akoz son lazistis, SENYER i pran plezir pour rann son lansennyman gran e manifik.

Ezai 4:2

Sa zour, SENYER pou fer pouse dan pei sa pou loner ek laglwar. Bann fri sa pei pour fer lafyerte ek laglwar bann sirvivan Izrael.

2 Korentyen 5:21

Kris pa'n fer okenn pese. Me Bondye in sarz li avek tou nou pese, pour ki par li, Bondye i rekonnet nou koman zis.

Psonm 72:3

Montanny! Anmenn lape pour lepep. Kolin! Anmenn lazistis!