Psonm 81:7 - Labib An Kreol Seselwa

⁷ Dan ou maler ou ti kriye e mon ti vin sov ou. Mon ti reponn ou depi dan sekre loraz; mon ti teste ou kot sours Meriba.

Psonm 81:7 Referans Kwoze

Egzod 19:19

An mezir ki son tronpet ti vin pli for, Moiz ti koze e Bondye ti reponn li dan loraz.

Psonm 50:15

Apel mwan zour ou dan maler; mon ava delivre ou e ou ava sant mon laglwar.

Nonm 20:13

Sa ti delo Meriba, savedir kerel, kot pep Izrael ti konplent kont SENYER e kot SENYER ti montre zot ki i en Bondye sen.

Egzod 2:23

Lontan apre, lerwa Lezip ti mor. Bann Izraelit ti kontinyen plennyen anba lesklavaz. Zot bann plent dan zot leta lesklavaz ti mont ver Bondye.

Egzod 14:10

Kan Faraon ti pe aprose, pep Izrael ti lev lizye e la, zot ti war bann Ezipsyen pe pourswiv zot e zot ti per. Pep Izrael ti kriy ver SENYER.

Egzod 14:24

Byen granmaten, atraver kolonn dife ek nyaz, SENYER ti regard troup bann Ezipsyen e senm panik parmi zot.

Deterononm 33:8

La sa ki Moiz ti dir lo Levi: Donn Levi, sa enn ki lwayal anver ou ou Toumim ek ou Ourim. Ou ti teste li Massa, e ou ti provok li kot sours Meriba.

Nonm 20:24

Aaron pe al mor; i pa pou antre dan pei ki mon'n promet zot. Tou le de, zot ti revolte kont mwan konsernan delo Meriba.

Egzod 6:6

Alor, dir bann Izraelit: Mwan menm SENYER, mon pou tir zot anba latas bann Ezipsyen e mon pou delivre zot anba lesklavaz ki zot pe sibir. Par mon pwisans, par mon bann gran zizman, mon pou liber zot.

Egzod 20:2

Mwan menm SENYER ou Bondye, ki ti delivre ou Lezip dan lesklavaz.

Deterononm 5:6

Mwan menm SENYER, ou Bondye ki ti fer ou sorti dan Lezip kot ou ti lesklav.

Zeremi 16:14

La sa ki SENYER i deklare: Lontan, kan zot ti fer serman, zot ti dir: Mon promet lo non SENYER ki vivan, ki'n fer pep Izrael sorti Lezip. Me sa zour pe vini kan zot pou dir: