Psonm 8:5 - Labib An Kreol Seselwa

⁵ Ou'n fer li en pti pe pli pti ki en bondye. Ou'n kouronn li avek splander ek laglwar.

Psonm 8:5 Referans Kwoze

Ebre 2:7

Ou'n abes li pli ba ki bann lanz pour en pti pe letan. Ou'n kouronn li avek laglwar ek loner.

Ebre 2:9

Me nou konstate ki pandan en pti pe letan, Zezi ti'n ganny abese pli ba ki bann lanz. Konmsa, akoz soufrans son lanmor, i'n ganny kouronnen avek laglwar ek loner. Ensi, par lagras Bondye, i'n mor pour tou dimoun.

Ebre 2:16

Annefe, i pa'n vin pour ed bann lanz, me bann desandan Abrahanm.

Efezyen 1:21

La, Kris in ganny plase par lao tou pouvwar, lotorite, pwisans, dominasyon. In ganny plase par lao tou tit ki egziste pa selman dan lemonn aktyel, me osi dan lemonn lavenir.

Psonm 103:4

I repran ou lavi dan lafos; i kouronn ou avek fidelite ek konpasyon.

Zenez 2:7

SENYER Bondye ti form zonm avek lapousyer later. I ti soufle en souf lavi dan son nennen e i ti vin en et vivan.

Psonm 103:20

Loue SENYER, zot bann lanz! Zot ki pwisan, fer son lavolonte, e obei tou son parol!

Psonm 45:6

Pei ki Bondye in donn ou pou gouvernen, pou egziste pour touzour. Ou baton rwayal i en baton ladrwatir.

2 Samyel 14:29

I ti demann Zoab pour anvoy li kot lerwa; me Zoab ti refize vin war li. I ti anvoy apel li en dezyenm fwa, me i ti refize vini.

Liv Zob 7:17

Ki zonm i ete pour ki ou pran ka avek li? Pour ki rezon ou fer sousi pour li?

Psonm 144:3

SENYER! Ki valer en et imen i annan pour ki ou enterese avek li? Ki en mortel i ete pour ki ou pran ka avek li?