Psonm 74:2 - Labib An Kreol Seselwa

² Mazin ou pep ki ou ti swazir depi lontan, tribi ki ou'n sove pour fer li ou pep. Mazin montanny Siyon kot ou'n fer ou demer.

Psonm 74:2 Referans Kwoze

Zeremi 10:16

Me Bondye Izrael i pa parey zot. In kre liniver e in swazir Izrael koman son prop pep. SENYER liniver i son non.

Deterononm 32:9

SENYER ti swazir son pep koman son par, desandan Zakob pour son patrimwann.

Egzod 15:16

Lafreyer ek laper in tonm lo zot. Par lafors ou lebra, zot perdi laparol, parey en ros, ziska ki ou pep SENYER, in fini pase, ziska ki sa pep SENYER, ki ou'n sove, in fini pase.

Egzod 15:13

Dan ou fidelite, ou ti kondwir sa pep ki ou ti sove. Par ou lafors, ou ti gid zot ver ou demer sen.

Psonm 135:4

Annefe, SENYER in swazir Zakob zis pour li, Izrael koman son byen personnel.

Deterononm 4:20

Me zot, SENYER in swazir zot. I'n fer zot sorti Lezip, dan sa four kot feray i fonn, pour fer zot vin son pep, son posesyon. Se sa, ki zot ete aprezan.

Revelasyon 5:9

Zot ti sant en nouvo kantik: Ou diny pour resevwar sa liv e kas son bann sele. Annefe, ou ti ganny egorze, e par ou disan, ou'n reaste pour Bondye, zonm dan tou ras, lalang, pep ek nasyon.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.

Akt de Zapot 20:28

Vey byen lo zot lekor e pran swen troupo ki Lespri Sen in konfye zot koman bann gardyen. Pran swen Legliz ki Bondye in gannyen par disan son prop Garson.

Zeremi 51:19

Me Bondye Izrael i pa parey zot. In kree liniver e in swazir Izrael koman son prop pep. SENYER liniver i son non.

Ezai 63:17

SENYER! Akoz ou'n les nou egare lwen avek ou semen? Ou'n andirsi nou leker pour fer nou rezet ou. Pour lanmour ou bann serviter, pour lanmour bann tribi ki ou posesyon: Retournen!

Ezai 63:9

dan tou zot detres. Zot pa ti ganny sove par en mesaze, ni par en lanz; me SENYER li menm ki ti delivre zot. Dan son lanmour ek son konpasyon i ti delivre zot; tou dilon, dan lepase, i ti avek zot, i ti soutenir zot.

Ezai 62:12

Zot pou ganny apele Pep Sen, Pep ki SENYER in libere. Ou pou ganny apele Mon Dezir, Lavil Swazi.

Ezai 51:11

Konmsa, bann ki SENYER in sove ava retournen e sant bann kantik letan zot mont Siyon; pou touzour annan lazwa lo zot figir; zot ava touzour dan lakontantman ek lazwa; zot pou nepli ni sagren ni plere.

Psonm 106:40

Alor, lakoler SENYER ti monte kont son pep e i ti degout zot.

Psonm 77:15

Par ou lafors, ou'n sov ou pep, bann desandan Zakob ek Zozef.

Psonm 68:16

Akoz sa montanny ki annan en kantite latet i zalou montanny kot Bondye i'n swazi pour li reste, la kot SENYER pou reste pour touzour?

Psonm 33:12

I byennere sa nasyon ki annan SENYER koman son Bondye! I byennere sa pep ki SENYER in swazi pour son patrimwann!

Psonm 9:11

Sant pour SENYER ki renny dan Zerizalenm! Rakont son bann mervey parmi bann pep!

Deterononm 9:29

Pa oubliye ki sa pep i pour ou e ki ou ki ti fer li sorti Lezip, par ou pwisans ek ou lafors.

Deterononm 9:26

Mon ti priy SENYER. Mon ti dir li: Senyer BONDYE, pa detri sa pep ki, dan ou grander, ou'n sove, ki par ou pwisans, ou'n fer sorti Lezip.

Psonm 9:12

Bondye pa oubliy lapenn bann malere. I vanz sa enn ki fer krim.

Psonm 94:14

SENYER pa pou abandonn son pep; i pa pou abandonn son posesyon.

Ezai 62:6

Zerizalenm! Mon'n plas bann santinel lo miray; lizour koman lannwit zot pou veye san poze. Fer SENYER rapel son bann promes; napa repo pour zot.