Psonm 73:3 - Labib An Kreol Seselwa

³ Ler mon ti war koman bann malfeter pe prospere, mon ti zalou sa bann arogan.

Psonm 73:3 Referans Kwoze

Liv Zob 21:7

Akoz bann malfeter i kontinyen viv? Zot viv vye e ganny ankor plis pouvwar?

Zeremi 12:1

SENYER! Ou tro zis pour mwan akiz ou. Malgre sa, mon oule koz lo lazistis avek ou. Akoz malfeter i prospere dan lavi? Akoz bann malfeter i viv trankilman?

Proverb 23:17

Pa zalou bann peser dan ou leker; me touzour annan respe anver SENYER,

Psonm 37:7

Gard silans devan SENYER, esper li avek pasyans. Pa pran lakoler kont sa bann ki reisi dan lavi, kont sa ki fer bann move kou.

Psonm 37:1

Pa bezwen pran lakoler kont bann malfeter; pa bezwen zalou bann kriminel.

Proverb 24:1

Pa anvye bann malfeter, ni anvi frekant zot,

Let Zak 4:5

Zot krwar ki Lekritir i koz pour nanryen kan i deklare: Bondye i reklanm avek zalouzi, lespri ki i'n met dan nou.

Proverb 3:31

Pa anvye en dimoun vyolan, ni swiv okenn son bann mannyer fer,

Liv Zob 12:6

Voler i viv anpe anba son latant. Sa enn ki provok Bondye i an sekirite. Son prop lafors in vin son Bondye.

Liv Zob 17:8

Dimoun onnet i etonnen kan zot war sa; dimoun inosan i ankoler kont bann malfeter.

Liv Zob 24:23

I ti les zot krwar ki zot an sekirite. Me son lizye pa sorti lo sa ki zot fer.

Psonm 10:5

I touzour reisi dan tou sa ki i antreprann. Zizman Bondye pa afekte li. I kraz son bann lennmi.

Eklezyas 7:15

Mon'n war bokou keksoz dan mon kourt lavi: En zonm ki drwat, i disparet akoz son bon konportman, tandis ki en malfeter i kontinyen viv dan son mesanste.

Malasi 3:15

Nou war bann arogan byennere, bann malfeter i prospere. Zot menm teste Bondye e zot pa ganny pini.