Psonm 72:12 - Labib An Kreol Seselwa

¹² Alor, i ava sekour bann malere ki demann led ek bann pov ki napa personn pour ed zot.

Psonm 72:12 Referans Kwoze

Liv Zob 29:12

Annefe, mon ti sekour bann pov ki ti demann led, e bann orfelen abandonnen.

Psonm 102:17

I pou ekout lapriyer bann ki'n ganny abandonnen e i pa pou rezet zot lapriyer.

Ebre 7:25

Pour sa rezon ki i kapab sov pour leternite, dimoun ki apros kot Bondye atraver li, akoz i touzour vivan pour pled dan zot faver.

Eklezyas 4:1

Mon'n war tou bann eksplwatasyon imen ki egziste anba soley. Kriye bann ki ganny kraze e napa personn pour ed zot. Pouvwar i dan kote bann ki pe dominen e napa personn pour sekour zot

Psonm 10:17

SENYER! Ou ekout lapriyer bann dimoun ki annan limilite. Ou pou redonn zot kouraz, e ekout zot,

2 Korentyen 8:9

Annefe, zot konn lagras nou Senyer Zezi-Kri: Ris ki i ti ete, i'n fer li pov pour zot, pour ki zot vin ris par son povrete.

Levanzil dapre Lik 4:18

Lespri Senyer i lo mwan, akoz in konsakre mwan pour anons Bonn Nouvel avek bann pov. I'n anvoy mwan proklanm delivrans bann prizonnyen, e fer bann aveg war kler, donn laliberte bann ki ganny oprimen,

Ezai 41:17

Bann pov ek bann malere ava rod delo, me pou napa. Zot lalang i sek avek laswaf; mwan SENYER, mon pou reponn zot; mwan Bondye Izrael, mon pa pou abandonn zot.

Psonm 72:4

Lerwa ava defann lakoz bann pov, ed dimoun ki dan bezwen e kraz bann eksplwater.

Levanzil dapre Lik 7:22

Apre, Zezi ti reponn zot, “Al rakont Zan sa ki zot in war e tande: Bann aveg i war kler; bann paralize i marse; bann ki annan maladi parey lalep i ganny geri; bann sourd i tande; bann mor i reganny lavi; bann pov i antann Bonn Nouvel.

Psonm 102:20

pour li ekout bann prizonnyen plennyen e delivre bann ki ti'n ganny kondannen amor.

1 Samyel 22:2

Tou dimoun ki ti dan problenm, tou bann ki ti annan det, e ki ti dan fristrasyon, ti rasanble kot li, e i ti vin zot sef. Ti annan apepre 400 zonm avek li.

2 Samyel 14:16

Mon sir ki lerwa ava ekout mwan; e sov mwan dan lanmen sa zonm ki pe rod fer mwan ek mon garson disparet parmi pep ki Bondye in swazir.

Liv Zob 36:15

Me Bondye i servi lasoufrans, pour sov bann ki pe soufer; i fer zot konn lasoufrans pour fer zot konpran.

Psonm 55:17

Bomaten, midi, aswar mon boulverse, mon plennyen. I ava antann mon lavwa.

Proverb 29:7

Sa enn ki zis i konn drwa en pov; en malfeter pa konpran sa.