Psonm 71:6 - Labib An Kreol Seselwa

⁶ Depi dan vant mon manman mon kont lo ou. Ou ki'n tir mwan dan vant mon manman. Toultan, mon pou sant ou louanz.

Psonm 71:6 Referans Kwoze

Zeremi 1:5

“Avan menm ki mon ti form ou dan vant ou manman, mon ti konn ou. Avan ki ou ti sorti dan son vant, mon'n konsakre ou. Mon'n met ou apar e swazir ou koman profet pour bann nasyon.”

Galat 1:15

Me Bondye, dan son bonte, ti swazir mwan. Avan menm mon nesans i ti'n apel mwan pour servi li.

Ezai 49:5

Aprezan, SENYER i dir ki i'n form mwan dan vant mon manman pour mwan vin son serviter e fer Zakob retourn kot li e pour rasanble Izrael otour li. SENYER in glorifye mwan devan li akoz mon Bondye ki ti mon lafors.

Ezai 49:1

Zabitan bann zil! Ekout mwan. Bann pep ki reste lwen! Port atansyon. SENYER in apel mwan avan ki mon ti ne; in apel mwan depi dan vant mon manman.

Psonm 34:1

Mon pou touzour loue SENYER; mon labous pou touzour sant son louanz.

Zeremi 3:4

Ou telman napa okenn pider ki aprezan ou kriy ver mwan: Mon papa! Ou'n kontan mwan depi mon lanfans.

Proverb 8:17

Mon kontan dimoun ki kontan mwan. Sa bann ki vreman rod mwan i kapab trouv mwan.

Psonm 71:14

Mwan, mon pou kontinyen espere e mon pou touzour sant ou louanz.

Efezyen 5:20

Lo non nou Senyer Zezi-Kri, remersye Bondye, nou Papa toultan pour tou.

Psonm 22:11

Pa reste lwen avek mwan; danze i pros e napa personn pour ed mwan.

Psonm 40:4

I byennere sa enn ki'n met son konfyans dan SENYER! I pa tourn ver bann arogan ni ver bann ki swiv bann fo bondye.