Psonm 7:9 - Labib An Kreol Seselwa

⁹ Bondye ki zis! Ou ki egzamin sa ki pase dan mon lespri e dan mon leker, fer fini mesanste bann malfeter. Ankouraz sa bann ki fer dibyen.

Psonm 7:9 Referans Kwoze

Zeremi 11:20

Alor mon ti priye: SENYER liniver! Ou ziz dimoun avek lazistis. Ou ki egzamin sekre konsyans ek leker tou dimoun. Mon'n met mon ka dan ou lanmen. Mon pou war ou fer revanz lo zot.

Zeremi 17:10

Mwan, SENYER, mon teste sa ki zonm i mazinen; mon egzamin son bann santiman. Mon tret sakenn dapre son mannyer viv, dapre son bann aksyon.

Zeremi 20:12

SENYER liniver! Ou teste bann ki fidel anver ou. Ou teste zot leker ek zot lespri. Mon'n plas mon problenm dan ou lanmen. Fer mwan war ou vanzans lo zot, akoz mon'n konfye mon problenm i dan ou lanmen.

1 Kronik 28:9

Kanta ou, mon garson Salomon, konn Bondye ou papa. Servi li avek tou ou lespri e avek tou ou leker; akoz SENYER i konsider sak lentelizans e i konn tou proze e tou sa ki ou mazinen. Si ou rod li, ou pou trouv li; me si ou oubliy li, i pou abandonn ou pour touzour.

1 Samyel 16:7

Me SENYER ti dir Samyel, “Pa get son laparans ni son grander, akoz mon'n rezet li. SENYER pa war parey zonm i war. Zonm i get laparans eksteryer, me SENYER i get dan leker.”

Revelasyon 2:23

Mon pou osi met anmor tou son bann zanfan. Alor, tou bann Legliz ava konnen ki mon konn tou mazinasyon ek dezir zonm. Mon pou tret sakenn zot dapre sa ki zot i'n fer.

Psonm 139:1

SENYER! Ou'n egzamin mwan e ou konn mwan.

Psonm 44:21

Bondye ki konn sekre leker imen, pa ti ava'n remarke?

Psonm 37:23

SENYER i gid lavi sa enn ki obei li. I protez sa enn ki fer li plezir.

Psonm 26:2

Teste mwan, SENYER! Egzamin mwan, mon lespri ek mon leker.

Psonm 11:5

SENYER i teste dimoun ki zis. I deteste sa enn ki kontan vyolans.

Psonm 10:15

Kas lebra bann malfeter. Fer zot pey pour tou zot bann move aksyon, ziska ki zot disparet devan ou.

Romen 16:25

Aprezan, annou rann glwar sa enn ki annan pouvwar pour rann zot for dapre Bonn Nouvel e dapre Zezi-Kri ki mon pe anonse, dapre revelasyon mister Bondye ki'n reste sekre pandan lontan.

Psonm 17:3

Ou konn fon mon leker. Dan lannwit ou'n vey lo mwan. Menm si ou'n teste mwan, ou pa'n war nanryen mal. Dan mon labous pa'n sorti nanryen ki move.

Akt de Zapot 12:23

Me dan sa menm moman, en lanz Senyer ti frap Herod, akoz i pa ti rann Bondye loner ki i merite. Lever ti devor li e i ti mor.

Psonm 58:6

Bondye! Kas zot ledan dan zot labous. SENYER! Aras zeyer sa bann zenn lyon.

Psonm 10:18

pour ou etabli lazistis an faver bann orfelen ek sa enn ki ganny kraze. Konmsa, personn lo later pa pou kapab senm lafreyer ankor.

Danyel 11:45

I pou enstal son bann latant rwayal ant lanmer ek sa zoli montanny, montanny sen. I pou trouv son lafen san ki personn i vin sekour li.

Psonm 40:2

I'n tir mwan dan dezespwar lanmor, dan labou san fon. I'n met mwan debout lo en ros; i'n fer mon lipye vin for.

1 Samyel 2:9

I protez lepa son bann fidel. Me bann malfeter i al mor dan fernwanr, akoz zonm pa reisi par lafors.

Let Zid 1:1

Sa let i sorti kot Zid, serviter Zezi-Kri, e frer Zak. Pour tou bann ki'n ganny apele par Bondye e ki viv dan lanmour Bondye Papa e ki ganny garde par Zezi-Kri.

1 Pyer 5:10

Zot pou bezwen soufer pour ankor en pti pe letan. Me Bondye ki sours tou lagras, ki'n apel zot pour partisip dan son laglwar eternel ini avek Kris, i ava li menm rann zot parfe. I ava rann zot ferm; i ava fortifye zot, e etabli zot lo bann fondasyon solid.

1 Tesalonisyen 3:13

I ava fortifye zot leker e rann zot sen e parfe devan Bondye nou Papa, pour sa zour ki nou Senyer Zezi ava retournen avek tou son bann ki i'n konsakre pour li. Amenn.

Zenez 20:5

Pa Abrahanm ki'n dir: I mon ser? Pa Sara ki ti dir: I mon frer? Mon'n azir avek en leker kler e avek en lanmen inosan.”

1 Rwa 8:32

depi lesyel ou ava ekoute. Ou ava pran aksyon e ziz ou serviter. Ou ava kondann sa enn ki koupab e enpoz responsabilite son tor lo li; ou ava fer akit sa enn ki inosan e tret li dapre lazistis.

Psonm 9:9

SENYER i en soutyen pour sa enn ki ganny meprize. I en soutyen dan letan maler.

Psonm 18:21

Mon'n met an pratik komannman SENYER. Mon'n reste fidel anver mon Bondye.

Psonm 35:23

Leve SENYER! Vin defann mon drwa. Debout mon SENYER, mon Bondye! Vin defann mwan.

Psonm 43:1

Mon Bondye! Rann lazistis. Defann mon drwa kont sa pep enfidel. Vin delivre mwan kont bann manter ek bann malfeter!

Psonm 96:10

Al anons avek bann nasyon: SENYER i Lerwa! Lemonn i solid; i pa pou bouze. SENYER i ziz bann pep avek drwatir.

Psonm 96:13

devan SENYER, akoz i pe vini; i pe vini pour ziz later. I pou ziz lemonn dapre lazistis e bann pep dan laverite.

Psonm 98:9

dan SENYER ki pe vini pour ziz lemonn. I pou ziz later avek lazistis, san fer okenn preferans parmi bann pep.