Psonm 7:5 - Labib An Kreol Seselwa

⁵ Si mon'n fer tousala, alor, lennmi ava pourswiv mwan e atak mwan. I ava kraz mwan vivan lo later e trenn mon loner dan lapousyer.

Psonm 7:5 Referans Kwoze

Malasi 4:3

Zot pou kraz bann ki pratik lemal, akoz sa zour ki mon pou pran aksyon, zot pou vin lasann anba plak lipye.

Zakari 10:5

Ansanm, zot pou parey bann konbatan dan lager. Lo semen, zot pou kraz lennmi dan labou; zot pou konbat, akoz SENYER pou avek zot e zot pou imilye bann kavalye.

Habakouk 3:13

Ou sorti pour sov ou pep, pour sov sa enn ki ou'n konsakre. Ou detri sef klan bann malfeter. Ou detri zot konpletman.

Zeremi 17:13

SENYER! Izrael in met son lespwar dan ou. Tou sa bann ki abandonn ou pou onte. Tou sa bann ki pou pran zot distans avek mwan, ki sours lavi, pou disparet parey en non ki'n ganny ekri dan lapousyer.

Ezai 63:3

Mon ti tousel pour kraz rezen dan preswar, personn parmi lepep pa'n vin avek mwan. Dan mon lakoler, mon'n pil lo zot; mon'n kraz zot avek lakoler. Zot disan in fann partou lo mwan; tou mon lenz in tase.

Ezai 10:6

Mon pe anvoy li kont en nasyon enfidel. Mon pe anvoy li kont en pep ki eksit mon lakoler, pour depouy zot e sezi tou zot byen; ki pou mars lo zot konmsi labou dan semen.

Psonm 60:12

Avek Bondye, nou pou ganny gran laviktwar. Li menm ki pou kraz nou bann lennmi.

Psonm 49:12

Tou son bann larises pa kapab gard li vivan. I mor parey en zannimo.

Psonm 44:5

Par ou, nou repous nou bann lennmi. Par ou, nou kraz bann ki atak nou.

Psonm 3:2

Bokou pe dir lo mwan: Bondye pa pou delivre li.

Liv Zob 16:15

Mon'n koud en lenz dey lo mon bann sikatris e anfons mon fron dan lapousyer.

1 Samyel 24:11

Gete! Get bout ou rob dan mon lanmen, ou kapab rekonnet e war ki mon napa move lentansyon ni anvi revolte kont ou. Mon pa'n komet sa krim kont ou; pourtan, ou pe rod mwan pour pran mon lavi.

1 Samyel 24:18

Ou'n montre ozordi ki mannyer ou'n byen azir anver mwan; ou pa'n touy mwan alor ki SENYER ti'n livre mwan dan ou lanmen.

1 Samyel 24:20

Aprezan, mon konnen ki ou pou vin lerwa e ki rwayonm Izrael pou reste dan ou lanmen.