Psonm 6:4 - Labib An Kreol Seselwa

⁴ Retournen SENYER! Delivre mwan. Akoz ou fidelite SENYER, sov mwan!

Psonm 6:4 Referans Kwoze

Danyel 9:18

Mon Bondye ekoute! Ouver ou lizye e war nou lavil ki'n konpletman detri, sa lavil kot ou non i ganny envoke. Nou prezant nou siplikasyon devan ou, pa akoz nou'n azir dapre lazistis, me akoz ou gran konpasyon.

Psonm 17:13

Leve SENYER! Konfront zot. Fer zot tonbe. Avek ou lepe, liber mwan kont mon bann lennmi.

Malasi 3:7

Depi lepok zot bann zanset, zot in abandonn mon bann regleman ki zot pa'n met an pratik. Retourn kot mwan e mon ava retourn kot zot, SENYER liniver ki deklare. Me zot demande: Ki mannyer nou pou retournen?

Psonm 121:7

SENYER pou protez ou kont tou maler. I pou vey lo ou lavi.

Psonm 116:4

Alor, mon ti kriy non SENYER: Pitye SENYER! Sov mwan.

Psonm 90:13

Retournen SENYER! Ziska kan? Pran pitye pour ou bann serviter.

Psonm 80:14

Bondye liniver! Retournen. Depi lao dan lesyel, get sa ki pe arive! Pran swen sa plantasyon rezen.

Psonm 22:20

Delivre mwan dan lanmor vyolan; sov mwan dan grif bann lisyen.

Efezyen 1:6

Alor, annou loue Bondye pour son lagras, pour donn nou gratwitman sa kado, dan son Garson byenneme.

Ezai 38:17

Mon lanmertim ti sirman pour mon prop boner ki mon ti dan latristes. Dan ou lanmour pour mwan, ou'n anpes mwan tonm dan lafos destriksyon; ou'n zet mon bann pese lwen deryer ou.

Psonm 120:2

SENYER! Delivre mwan kont labous bann manter, kont bann lalang tronper.

Psonm 116:8

Wi! Ou'n delivre mwan dan lanmor; ou'n aret larm dan mon lizye; ou'n anpes mwan konny mon lipye.

Psonm 86:13

Ou fidelite anver mwan i vreman gran; ou'n sov mwan dan profonder lanmor.

Psonm 69:13

SENYER! Mwan, mon adres ou mon lapriyer. Mon Bondye! Reponn mwan dan ou letan favorab. Dan labondans ou fidelite, reponn mwan, ou ki vreman mon Sover.

Psonm 25:7

Oubliy bann pese ek bann fot dan letan mon lazenes. Dan ou fidelite, mazin mwan akoz ou telman bon, SENYER.

Psonm 13:2

Ziska kan fodre ki mon pran traka e viv tou le zour avek en leker sagren? Ziska kan mon lennmi pou pran lavantaz lo mwan?

Psonm 74:10

Mon Bondye! Ziska kan ou bann lennmi pou kontinyen riy ou? Eski zot pou mepriz ou non pour touzour?

Psonm 79:5

Ziska kan ou pou kontinyen ankoler kont nou? Eski ou zalouzi pou kontinyen brile parey dife?