Psonm 59:10 - Labib An Kreol Seselwa

¹⁰ Dan son fidelite, mon Bondye ava vin kot mwan. Mon Bondye ava fer mwan war laviktwar lo mon bann lennmi.

Psonm 59:10 Referans Kwoze

1 Pyer 5:10

Zot pou bezwen soufer pour ankor en pti pe letan. Me Bondye ki sours tou lagras, ki'n apel zot pour partisip dan son laglwar eternel ini avek Kris, i ava li menm rann zot parfe. I ava rann zot ferm; i ava fortifye zot, e etabli zot lo bann fondasyon solid.

Psonm 54:7

Annefe, i'n tir mwan dan tou mon bann traka, e mon'n get avek plezir defet mon bann lennmi.

Psonm 59:17

Ou ki mon lafors, mon pou sant avek lazwa pour ou. Ou mon Bondye, ou mon protekter. Ou mon Bondye ki fidel anver mwan.

Psonm 21:3

Ou'n akey li avek bokou benediksyon; ou'n poz en kouronn lor lo son latet.

Psonm 92:11

Mon'n war mon bann lennmi tonbe; mon'n antann bann ki atak mwan kriye.

Psonm 54:5

I fer maler tonm lo sa bann ki malparl lo mwan! Dan ou fidelite, detri zot.

2 Korentyen 1:3

Nou loue Bondye e Papa nou Senyer Zezi-Kri, Papa ki ranpli avek labonte, Bondye ki touzour konsole.

Zeremi 17:16

Me mwan SENYER, zanmen mon'n demann ou anvoy okenn maler lo zot. Mon pa'n zanmen swete ki dezas i tonm lo zot. Ou menm ki konnen tou parol ki'n sorti dan mon labous i devan ou.

Ezai 65:24

Avan ki zot apel mwan, mon pou reponn; parol pou ankor dan zot labous, mon pou'n fini tande.

Psonm 112:8

Son leker i trankil, i pa per. I annan lasirans ki i pou war lanmor son ladverser.

Psonm 91:8

Ou ava zis gete e ou ava war pinisyon bann malfeter.

Psonm 79:8

Pa pini nou pour pese nou bann zanset. Pa tarde pour montre ou konpasyon pour nou. Nou'n tonm byen ba.

Psonm 56:6

Ansanm, zot kasyet pour espyonn lo mwan. Zot vey mon bann mouvman. Zot pare pour pran mon lavi.

Psonm 56:2

Dan son lafyerte, mon lennmi pe pourswiv mwan. En kantite zot pe atak mwan. Bondye liniver!

Psonm 5:8

SENYER! Akoz mon bann lennmi, gid mwan dan ou lazistis. Fer disparet tou danze lo semen ki ou'n trase pour mwan.

2 Samyel 1:17

David ti sant sa kantik lo Sail ek son garson Zonatan.

1 Tesalonisyen 4:15

Annefe, dapre lansennyman Senyer, la sa ki nou deklare: Nou ki pou ankor vivan kan Senyer pou retournen, nou pa pou pas avan sa bann ki'n mor.

1 Samyel 26:10

David ti dir, “Par SENYER ki vivan! SENYER menm ki pou pini li; swa i ava mor kan son letan i arive, ouswa i ava mor dan lager.

Psonm 46:8

Vini! Get sa ki SENYER in fer. Get bann ravaz ki i'n fer lo later.