Psonm 57:4 - Labib An Kreol Seselwa

⁴ Mon'n ganny antoure par bann lyon feros, bann zonm ki annan ledan parey lans ek dart. Zot lalang i koupe parey en lepe byen fite.

Psonm 57:4 Referans Kwoze

Psonm 58:6

Bondye! Kas zot ledan dan zot labous. SENYER! Aras zeyer sa bann zenn lyon.

Proverb 30:14

Serten i annan ledan parey lepe, e lanmaswar parey kouto pour devore e fer disparet bann pov lo later, ek bann dezerite parmi bann et imen.

Psonm 35:17

Ankor konbyen letan, SENYER, ou pou zis gete? Delivre mwan kont sa bann malfeter! Aras mwan dan grif sa bann lyon!

Psonm 55:21

Son parol i pli dou ki dimyel; me i annan lager dan son leker. Son bann parol ti glise, parey delwil; me an realite, zot ti koman en pwannyar.

Proverb 12:18

Bann parol anler i blese parey en lepe; me parol en saz i geri.

Psonm 64:3

Zot fit zot lalang parey en lepe. Zot parol i anmer. Zot blese parey en dart anpwazonnen

Psonm 52:2

Tou lazournen, ou fer konplo zis pou detri; ou envant mansonz.

Revelasyon 19:15

Dan son labous ti sorti en lepe byen koupe pour li detri bann nasyon. I pou renny lo zot avek en baton an fer. Avek son lipye, i pou pil diven gran lakoler Bondye Toupwisan dan preswar.

Let Zak 3:6

Lalang osi i parey en dife. I en lemonn lemal ki'n ganny enstale dan nou lekor e i sali nou lekor antye. I met dife dan nou legzistans antye, avek en dife ki sorti depi lanfer.

Proverb 28:15

En dirizan dominer ki gouvern en pep pov, i parey en lyon ler i gronnyen, oubyen en lours ler i atake.

Proverb 25:18

En zonm ki donn fo temwannyaz kont son prosen, i anmenmtan en gro baton, en lepe ek en fles pwent.

Psonm 59:7

Zot labous i deborde avek parol menas. Zot dir: Lekel ki pou antann nou?

Psonm 10:9

Parey en lyon, i kasyet an sekre dan brousay. I espere pour li atrap en malere. Kan in atrap li, i trenn li dan son latrap.

Ziz 9:20

Si sa pa vre, mon demande ki en dife i sorti depi Abimelek e devor bann sef dan Sikenm, ek lafanmir Milo; ki en dife i sorti kot bann sef Sikenm ek fanmir Milo e devor Abimelek.”

Liv Zob 41:14

Lekel ki'n deza fors li ouver son lanmaswar? Garni avek son bann ranze ledan i fer per.

Psonm 43:3

Anvoy ou lalimyer ek ou laverite pour gid mwan e kondwir mwan lo ou montanny sakre e la kot ou reste.