Psonm 5:6 - Labib An Kreol Seselwa

⁶ Ou detri bann ki koz manti. SENYER i deteste bann kriminel ek bann voler.

Psonm 5:6 Referans Kwoze

Revelasyon 21:8

Me pour bann las, bann enfidel, bann dimoun degoutan, bann kriminel, bann prostitye, bann sorsye, bann adorater zidol, ek tou bann manter, zot plas pou dan lak dife ek souf. Sa i dezyenm lanmor.

Psonm 55:23

Me ou, Mon Bondye! Ou ava fer sa bann malfeter desann dan lemonn lanmor. Sa bann kriminel, sa bann tret pa pou viv lanmwatye zot lavi. Me mwan, mon kont lo ou.

Revelasyon 22:15

Me deor i annan tou bann dimoun degoutan, bann sorsye, bann prostitye, bann kriminel, tou bann adorater zidol, ek tou bann ki kontan e pratik mansonz!

Ezai 26:21

La SENYER pe sorti kot i ete pour li pini bann zabitan later pour zot bann forfe. Later ava les war disan ki'n koule; i pou nepli kasyet son bann viktim.

Psonm 4:2

Zot bann zonm! Pandan konbyen letan ankor zot pou abes mon loner? Pandan konbyen letan ankor zot pou dir bann parol vid ek mansonz?

Romen 1:29

Zot ranpli avek toudsort mesanste, move dezir, vis, zalouzi, krim, dispit, riz, malis. Zot lans bann fo lakizasyon.

Psonm 43:1

Mon Bondye! Rann lazistis. Defann mon drwa kont sa pep enfidel. Vin delivre mwan kont bann manter ek bann malfeter!

2 Samyel 20:1

La Gilgal, ti annan en zonm san moral ki ti apel Seba, garson Bikri, sorti dan tribi Benzamen. I ti soufle tronpet e kriye, “Nou napa nanryen avek David, e nou napa okenn par avek garson Zese! Pep Izrael! Sakenn retourn se li!”

2 Samyel 16:8

SENYER in pini ou pour tou bann krim ki ou'n fer avek fanmir Sail, ki ou'n vol son rwayonm. La aprezan SENYER in donn rwayonm ou garson Absalon. Ou merit ou maler akoz ou en kriminel!”

Zenez 34:14

Zot ti dir, “Nou pa kapab donn nou ser en dimoun ki pa'n sirkonsi, akoz sa i ava en laont lo nou.

Psonm 11:5

SENYER i teste dimoun ki zis. I deteste sa enn ki kontan vyolans.