Psonm 5:3 - Labib An Kreol Seselwa

³ SENYER! Byen bomaten, ou antann mon lavwa; tou le bomaten mon met mwan pare e mon espere.

Psonm 5:3 Referans Kwoze

Psonm 119:147

Byen avan soley i leve, mon kriy ver ou. Mon kont lo ou bann parol.

Psonm 88:13

SENYER! Mwan, mon pe kriy ver ou. Tou le bomaten, mon lapriyer i devan ou.

Mark 1:35

Lannmen byen granmaten, ankor fernwanr, Zezi ti leve. I ti al an deor lavil, dan en landrwa dezer kot i ti priye.

Psonm 130:6

Mon esper SENYER avek tou mon leker plis ki en gardyen i espere pour lizour fer. Wi! Plis ki en gardyen i espere pour lizour fer.

Psonm 55:17

Bomaten, midi, aswar mon boulverse, mon plennyen. I ava antann mon lavwa.

Ezai 26:9

Pandan lannwit, mon rod ou avek tou mon leker. Mon lespri i rod ou avek en dezir profon. Akoz ler ou aplik zizman lo later, bann zabitan lemonn i aprann pratik lazistis.

Psonm 69:16

SENYER, Reponn mwan! Ou fidelite i fer mwan dibyen. Dan ou gran konpasyon, tourn ver mwan!

Psonm 22:2

Mon Bondye! Mon Bondye! Lizour mon apel ou, me ou pa reponn. Dan lannwit mon kriye, e mon pa ganny repo.

Liv Zob 34:28

Alor, zot in pous bann pov pour kriy ver Bondye e i ti antann lapriyer sa bann malere.

Psonm 44:5

Par ou, nou repous nou bann lennmi. Par ou, nou kraz bann ki atak nou.

Psonm 74:12

Pourtan, Bondye i mon Lerwa depi touzour. Ou'n donn nou souvan laviktwar dan nou pei.

Psonm 84:4

Byennere sa bann ki viv dan ou tanp e ki kontinyelman sant ou louanz.

Psonm 130:2

SENYER! Ekout mon lapel Port atansyon kan mon sipliy ou.

Psonm 145:1

Mon pou proklanm ou grander, Bondye mon lerwa. Mon pou loue ou non pour touzour e touzour.

Lamantasyon 3:56

Ou ti antann mon lapriyer: Pa bous ou zorey ler mon kriy osekour!