Psonm 49:3 - Labib An Kreol Seselwa

³ Mon labous pou pronons parol lasazes; mon leker pou medit lo keksoz profon.

Psonm 49:3 Referans Kwoze

Psonm 19:14

Mon demann ou aksepte bann parol mon labous e panse mon leker. SENYER! Ou menm mon Ros protekter! Ou menm mon Sover!

Matye 12:35

En bon dimoun i tir bann bon keksoz dan son bon trezor. En move dimoun i tir bann move keksoz dan son move trezor.

Proverb 22:17

Ouver ou zorey, ekout parol bann saz; port atansyon leson mon bann lansennyman.

Psonm 45:1

Mon leker i deborde avek zoli parol. Mon dedye mon poenm pour lerwa. Mon lalang i parey plim en bon poet.

Psonm 37:30

Dan labous bann zis, i sorti parol lasazes e parol drwat.

Psonm 119:130

Revelasyon ou parol i donn lalimyer; i donn disernman sa enn ki senp.

Liv Zob 33:33

Si ou napa nanryen pou dir, ekout mwan, mon ava ansenny ou lasazes.

Liv Zob 33:3

Tou sa ki mon pou dir i sorti dan fon mon leker e tou sa ki mon pou dir i laverite.

Deterononm 32:2

Mon lansennyman i tonm parey lapli, e mon bann parol i koule parey gout laroze; parey grenas lo zerb, parey bann gout delo lo gazon.

Psonm 104:34

Mon swete ki mon parol i fer li plezir. Mon rezoui dan SENYER.

Psonm 4:3

Pa oubliye ki SENYER in met apar sa enn ki reste fidel anver li. SENYER i antann mwan ler mon apel li.