Psonm 49:10 - Labib An Kreol Seselwa

¹⁰ Me nou remarke, dimoun saz i mor avek bann fou ek bann brit. Zot kit zot larzan pour lezot.

Psonm 49:10 Referans Kwoze

Levanzil dapre Lik 12:20

Me Bondye ti dir li: Enbesil! Tanto menm ou pou bezwen rann kont ou lavi. Lekel ki pou ganny tou sa ki ou'n anmase?”

Psonm 39:6

I ale vini, parey en lonbraz; i fatig li en kantite; me sa i zis divan. I akimil larises san konnen lekel ki pou profite.

Ebre 9:27

Tou dimoun in destinen pour mor en sel fwa, e apre ganny zize par Bondye.

Zeremi 10:8

Tou sa bann saz, tou sa bann lerwa, zot bet, zot boufon. Kwa ki zot kapab ansenny ou? Zot zis en morso dibwa.

Proverb 30:2

I vre ki mon pli bet ki nenport ki zonm; mon napa disernman imen.

Psonm 94:8

Bann fou! Konpran sa. Kan eski zot pou konpran?

Psonm 73:22

Mon ti koman en abriti. Mon ti parey en bebet devan ou.

Psonm 49:17

Kan zot mor, zot pa anmenn nanryen avek zot; zot larises pa swiv zot dan latonm.

Zeremi 17:11

Sa enn ki vin ris dan fason malonnet, i parey en poul ki kouv dizef kannar: Dan milye son lavi, son fortin pou kit li, e alafen, i fini parey en fou.

Eklezyas 2:26

I donn lasazes, konnesans ek lazwa sa enn ki fer li plezir. Me sa enn ki mal azir, i fer li rasanble bann byen pour sa enn ki fer plezir Bondye. Sa i zis vanite, konmsi ou pe tay deryer divan.

Proverb 12:1

Sa enn ki kontan disiplin, i kontan konnesans; sa enn ki pa kontan ganny kritike i bet.

Proverb 11:4

Larises pa servi dan nanryen zour lakoler i leve; me lazistis i delivre dan lanmor.

Psonm 17:14

SENYER! Dan ou pwisans, sas zot lo ou later, lwen avek bann zabitan lemonn. Sanmenm sa par ki zot merite dan sa lavi. Fors zot manz sa ki ou'n rezerve pour zot. Zot bann zanfan ava rasazye e gard en pe pour zot bann pti zanfan.

Psonm 89:49

SENYER! Oli ou fidelite letan pase ki dan ou bonte ou ti promet David?

Proverb 14:24

Larises i rekonpans sa enn ki saz. Sa enn ki fou i reste dan son lafoli.