Psonm 48:1 - Labib An Kreol Seselwa

¹ SENYER i gran. Dan lavil nou Bondye, son montanny sakre, i merit tou louanz.

Psonm 48:1 Referans Kwoze

Mise 4:1

Dan lavenir, kot montanny tanp SENYER i ete pou vin montanny pli o. I pou vin pli o ki tou bann kolin. Tou bann pep pou vin rasanble la.

Zakari 8:3

La sa ki SENYER i deklare: Mon pou retourn Siyon. Mon pou reste ankor dan milye Zerizalenm. Zerizalenm pou ganny apele Lavil Fidelite. Montanny SENYER liniver pou ganny apele Montanny Sakre.

Psonm 96:4

SENYER i gran; i merite ki nou loue li. I formidab, plis ki tou lezot bondye.

Psonm 46:4

I annan en larivyer ki anmenn lazwa dan lavil Bondye, kot son sanktyer Treo i ete.

Psonm 145:3

SENYER i gran; i merit ganny tou louanz. Son grander i san limit.

Revelasyon 21:2

Mon ti war lavil sen desann sorti dan lesyel kot Bondye, nouvo Zerizalenm ki ti'n dekore parey en nouvel marye abiye pour son mari.

Psonm 87:3

Bann bon parol i ganny dir lo size lavil Bondye.

Revelasyon 19:5

En lavwa sorti kot tronn ti dir: Rann glwar nou Bondye, zot tou son bann serviter, zot tou ki annan respe pour li, gran koman pti!

Matye 24:15

“Zot ava war sa enn ki apel Devastater Terib ki profet Danyel in koz lo la. I pou ganny enstale dan landrwa sen. Sa enn ki lir sa, konpran!

Psonm 99:9

Proklanmen ki SENYER, nou Bondye i gran! Prosternen devan son montanny sen, akoz SENYER, nou Bondye i Sen.

Psonm 87:1

SENYER in konstri son lavil lo montanny sakre.

Psonm 86:10

Ou vreman gran e ou fer bann mervey. Zis ou ki Bondye.

Psonm 78:68

me i ti swazir tribi Zida, montanny Siyon ki i kontan.

Psonm 65:1

Mon Bondye! Ou ki dan Zerizalenm, ou merit ganny loue. Nou devre gard nou promes anver ou.

Psonm 47:8

Bondye i renny lo bann nasyon; in asiz lo son tronn sakre.

Psonm 46:1

Bondye i pour nou en labri e en sekour. I touzour avek nou dan letan maler.

Psonm 2:6

Mwan ki'n etabli mon lerwa lo Siyon, mon montanny sen.

Ebre 12:22

Me zot, o kontrer, zot in apros montanny Siyon, lavil Bondye ki vivan, Zerizalenm ki dan lesyel, avek son bann mil milyon lanz dan rasanbleman lafet.

Abdyas 1:17

Lo montanny Siyon bann sirvivan pou trouv en labri. Desandan Zakob pou repran posesyon zot pei.

Zeremi 31:23

La sa ki SENYER liniver, Bondye Izrael i deklare: Kan mon ava'n fini retabli lepep koman i ti ete avan dan pei Zida e dan son bann lavil, zot pou rekonmans dir sa bann parol: Kolin sakre kot lazistis i reste! SENYER ava beni ou.

Ezai 27:13

Sa zour, en gran tronpet pou ganny soufle. Alor, sa bann ki ti'n perdi dan pei Asiri e sa bann ki ti ganny anvoye annegzil Lezip pou retournen e ador SENYER lo montanny sen dan Zerizalenm.

Psonm 147:5

Nou SENYER i gran e son pouvwar i gran; son lentelizans napa limit.

Psonm 30:1

SENYER! Mon proklanm ou grander. Ou pa'n les mon bann lennmi anmize lo mon depan.

Nehemi 9:5

Bann levit Zozye, Kadmyel, Hasabneya, Serebya, Odiya, Sebanya, ek Petahya, ti dir: Leve, remersye SENYER, zot Bondye! Remersye li depi touzour e pour touzour! Ou non glorye ki depas tou benediksyon e tou louanz i ganny beni!

Psonm 42:1

Mon soupir apre ou, mon Bondye, parey en serf i rod en sours delo.