Psonm 47:6 - Labib An Kreol Seselwa

⁶ Sant pour Bondye! Sante! Sant pour nou lerwa! Sante!

Psonm 47:6 Referans Kwoze

Matye 25:34

Alor, lerwa pou dir avek sa bann lo son kote drwat: Vini, zot ki mon Papa in beni! Vin erit Rwayonm ki'n ganny prepare pour zot depi kreasyon lemonn.

Psonm 68:4

Sant pour Bondye! Loue son non par bann kantik! Sant en kantik pour sa enn ki vini dan nyaz lo son kales. SENYER i son non. Selebre avek lazwa devan li!

Ezai 33:22

SENYER i nou ziz; SENYER i nou sef; SENYER i nou lerwa; li menm ki pou sov nou.

Psonm 145:1

Mon pou proklanm ou grander, Bondye mon lerwa. Mon pou loue ou non pour touzour e touzour.

Matye 27:37

Par lao son latet, zot ti'n ekri rezon son kondannasyon: Zezi, lerwa bann Zwif.

1 Kronik 16:9

Sant pour li, loue li avek lanmizik pour li! Rakont son bann mervey!

Psonm 89:18

SENYER i nou protekter; li menm ki Sen dan Izrael, li menm nou lerwa.

1 Kronik 29:20

David ti dir avek lasanble antye: Loue SENYER zot Bondye. Alor, tou lasanble ti loue SENYER, Bondye zot zanset. Zot ti bese e prostern devan SENYER e devan lerwa.

Zakari 9:9

Fiy Siyon! Danse avek lazwa. Fiy Zerizalenm! Kriy byen for! Ou lerwa pe vin kot ou! I pe vin an triyonf e viktorye; i pe vini koman en dimoun senp, lo en bourik, en pti bourik, piti en femel bourik.

Egzod 15:21

Mirianm ti sant avek zot: Sant pour SENYER akoz in ganny laviktwar: Seval ek kavalye in ganny zete dan lanmer.

1 Kronik 15:28

Alor, Izrael antye ti fer monte Kof Lalyans SENYER avek rezouisans avek rezonnman kor, tronpet, ek senbal, e avek lakonpannyman laarp ek lir.