Psonm 45:2 - Labib An Kreol Seselwa

² Ou pli zoli parmi bann zonm; ou koz avek elegans. Pour sa rezon, Bondye in beni ou pour touzour.

Psonm 45:2 Referans Kwoze

Levanzil dapre Lik 4:22

Tou dimoun ti koz dibyen lo Zezi. Zot ti dan ladmirasyon devan bann parol ekstraordiner ki ti sorti dan son labous. Zot ti dir, “Sa, pa li menm garson Zozef?”

Ebre 7:26

Zezi i sa Gran-Pret ki nou ti bezwen: I sen, inosan, san pese, separe avek tou bann peser e plase pli o ki lesyel.

Levanzil dapre Zan 7:46

Bann gard ti reponn, “Personn pa'n zanmen deza koz parey sa zonm.”

Psonm 21:6

Ou akord li benediksyon pour touzour; ou prezans in donn li lazwa.

Levanzil dapre Zan 1:14

Laparol in vin en et imen. I'n vin reste parmi nou. Nou'n war son laglwar; laglwar son sel Garson ki sorti kot Papa, ranpli avek lagras ek laverite.

Kantik Salomon 2:3

Mon lanmoure i parey en pye ponm parmi bann pye dibwa dan lafore e parmi bann zennzan. Mon ti anvi asiz anba son lonbraz, son fri i dou dan mon labous.

Proverb 22:11

Sa enn ki kontan en leker pir, e ki koz byen, pour vin zanmi lerwa.

Matye 17:2

Letan zot ti la, laparans Zezi ti sanze: Son figir ti klate parey soley; son lenz ti vin blan, klate koman lalimyer.

Zakari 9:17

Zot pou vreman ere! Zot pou vreman zoli! Dible ava donn lafors bann zennzan e diven nouvo bann zenn fiy.

Ezai 61:1

Lespri Senyer BONDYE i repoz lo mwan, SENYER in konsakre mwan; in anvoy mwan anmenn bonn nouvel kot bann ki'n ganny imilye; geri bann leker brize, proklanm delivrans pour bann prizonnyen rann laliberte bann ki dan prizon,

Ezai 50:4

Senyer BONDYE in ansenny mwan pour ankouraz sa ki feb, avek en bon parol. Tou le bomaten, i fer mon zorey drese; mon zorey i drese pour ekoute parey en disip.

Proverb 5:2

Alor, ou ava byen reflesir e ou labous ava konserv konnesans.

Ezai 33:17

Ou lizye ava admir lerwa dan son labote. Zot ava admir en pei dan tou son grander.