Psonm 44:4 - Labib An Kreol Seselwa

⁴ Mon Bondye! Ou ki mon lerwa. Donn laviktwar Zakob.

Psonm 44:4 Referans Kwoze

Psonm 74:12

Pourtan, Bondye i mon Lerwa depi touzour. Ou'n donn nou souvan laviktwar dan nou pei.

Psonm 42:8

Lizour, SENYER i montre mwan son fidelite. Aswar, mon sant pour li, mon priy Bondye ki donn mwan lavi.

Mark 9:25

Kan Zezi ti war lafoul pe rasanble otour li, i ti reprimann sa move lespri. I ti dir li, “Move lespri kozpa e sourd! Mon ordonn ou: Sorti! Pa zanmen retourn dan sa garson.”

Psonm 89:18

SENYER i nou protekter; li menm ki Sen dan Izrael, li menm nou lerwa.

Mark 1:41

Zezi ti pran pitye pour li. I ti lev son lanmen e tous li. I ti dir, “Mon oule! Ganny pirifye.”

Mark 1:31

Zezi ti apros li, atrap son lanmen e fer li leve. Sa lafyev ti kit belmer Simon ki ti servi zot.

Psonm 149:2

Izrael! Montre ou lazwa akoz ou Kreater. Zabitan Zerizalenm! Selebre zot lerwa.

Ezai 33:22

SENYER i nou ziz; SENYER i nou sef; SENYER i nou lerwa; li menm ki pou sov nou.

Egzod 15:6

Ou lanmen drwat SENYER, i gran par son pwisans. Ou lanmen drwat SENYER, in kraz lennmi.

Deterononm 7:8

Sa ti akoz SENYER in kontan ou. Akoz in gard serman ki i ti fer avek ou bann zanset, ki SENYER, par son pwisans, ti tir ou e sov ou dan lesklavaz, dan lanmen Faraon, lerwa Lezip.

Deterononm 7:19

tou sa bann gran soufrans ki ou menm ou'n war, bann siny ek bann mervey, avek son gran pwisans ek son lafors ki SENYER, ou Bondye ti fer ou sorti Lezip. SENYER, ou Bondye pou fer parey avek tou bann pep ki fer ou per.

Zozye 24:12

Mon ti anvoy mous zonn devan zot, ki ti fer zot fannen sa de lerwa Amorit; pa avek zot lepe, ni avek zot bann fles ki zot ti fer li.

Psonm 111:6

I ti montre son pep lafors son bann aksyon kan i ti donn zot pei bann pep etranze.