Psonm 44:2 - Labib An Kreol Seselwa

² Avek ou lafors, ou ti sas bann nasyon pour etabli nou zanset. Ou'n kraz bann nasyon pour fer ou pep grandi.

Psonm 44:2 Referans Kwoze

Egzod 15:17

Ou pou anmenn zot e etabli zot lo montanny ou posesyon, en landrwa ki ou'n prepare pour ou reste, SENYER, dan sa sanktyer ki ou lanmen in prepare, SENYER.

Psonm 78:55

I ti sas bann nasyon devan zot. I ti partaz pei e donn sakenn son par e enstal bann tribi Izrael dan zot latant.

2 Samyel 7:10

Mon pou swazir en landrwa pour mon pep Izrael e etabli zot pour ki zot ganny en pei pour zot menm, san ki zot kontinyen ganny deranze. Bann malfeter pa pou rekonmans kraz zot parey avan.

Zozye 21:43

SENYER ti donn bann Izraelit sa pei antye parey i ti'n promet zot zanset. Zot ti pran posesyon sa pei kot zot ti etabli zot.

Zozye 11:23

Alor, Zozye ti pran tou sa pei, parey SENYER ti'n ordonn Moiz. Zozye ti donn bann Izraelit sa pei, e diviz li an porsyon, par tribi. Alor pei ti trankil, san lager.

Psonm 105:44

I ti donn zot later lezot nasyon e zot ki pran posesyon larises bann pep.

Zozye 24:12

Mon ti anvoy mous zonn devan zot, ki ti fer zot fannen sa de lerwa Amorit; pa avek zot lepe, ni avek zot bann fles ki zot ti fer li.

Zozye 10:42

Zozye ti kaptir tou sa bann lerwa e pran posesyon tou zot teritwar en sel kou, akoz SENYER Bondye Izrael ti pe lager pour Izrael.

Zozye 10:11

Pandan ki bann Amorit ti pe sov bann Izraelit dan desant Bet-Horonn, SENYER ti fer tonm lo zot depi lesyel, lagrel parey bann gro ros, tou dilon, ziska Aseka. Plis zonm ti mor par lagrel ki par lepe bann Izraelit.

Zozye 3:10

Zozye ti dir: La ki mannyer zot ava konnen ki Bondye vivan i parmi zot, e ki i pou sas bann Kananeen, bann Hitit, bann Hivit, bann Perizit, bann Girgasit, bann Amorit e bann Zebizit devan zot.

Deterononm 7:1

SENYER, zot Bondye ava fer zot antre dan sa pei ki zot pe al pran posesyon. I pou sas devan zot sa bann gran nasyon, set pep pli nonbre e pli pwisan ki zot: Hitit, Girgasit, Amorit, Kananeen, Perizit, Hivit, ek Zebizit.

Nonm 13:32

Alor zot ti donn fo rapor parmi bann Izraelit lo pei ki zot in al eksplore. Zot ti dir: Later ki nou'n al eksplore pa kapab soutenir son zabitan. Tou dimoun ki nou'n war, zot gran.

Egzod 34:11

Ou ava obzerv tou sa ki mon ordonn ou ozordi: Mon pou sas devan ou bann Amorit, bann Kananeen, bann Hitit, bann Perizit, bann Hivit ek bann Zebizit.

Egzod 23:28

Mon pou anvoy bann fleo par devan ou e mon pou fer sove bann Hivit, bann Kananeen ek bann Hitit.

Egzod 15:19

Bann seval Faraon, son bann kales lager ek son bann kavalye ti koule dan lanmer. SENYER ti fer lanmer retourn lo zot, me pep Izrael ti mars lo later ferm atraver lanmer.

Egzod 10:2

pour ki ou osi, ou rakont ou bann zanfan ek ou bann pti zanfan ki mannyer mon ti tret bann Ezipsyen, e bann siny ki mon ti fer parmi zot. Konmsa, zot ava konnen ki mwan menm SENYER.”

Deterononm 4:38

Devan ou, i ti sas bann nasyon pli gran, pli for ki ou menm, pour li anmenn ou dan sa pei ki i ti donn ou an posesyon, parey sa ki'n arive ozordi.

Deterononm 32:7

Mazin letan pase; rapel bann lannen ki'n pase. Demann ou papa e i ava enform ou; demann ou bann zanset e zot ava rakont ou.

Ziz 6:13

Zedeon ti dir li, “Eskiz mwan mon senyer. Si SENYER i avek nou, akoz tou sa ki'n ariv nou? Oli tou sa bann mervey ki nou zanset i rakont nou ler zot dir: Pa SENYER ki'n fer nou monte depi Lezip? Aprezan, SENYER in abandonn nou; in livre nou avek Madyann.”

2 Samyel 23:12

Sama ti reste debout dan milye sa parsel ki i ti repran e bat bann Filisten. SENYER ti realiz en gran laviktwar.

Ezai 51:9

Leve! Leve! Lebra SENYER! Pran lafors! Leve parey dan letan pase! Dan letan bann zenerasyon pase! Pa ou ki ti touy Rahab e transpers dragon?

Zeremi 32:23

Zot ti vin dan sa pei ki zot ti pran posesyon. Me zot pa ti ekout ou lavwa, ni obei ou komannman; zot pa ti viv dapre ou lalwa; zot pa ti fer nanryen sa ki ou ti'n ordonn zot fer. Pour sa rezon ki ou ti fer tou sa bann maler tonm lo zot.