Psonm 43:2 - Labib An Kreol Seselwa

² Ou menm Bondye ki mon protekter. Akoz ou'n rezet mwan? Akoz mon bezwen reste dan latristes e les bann lennmi kraz mwan?

Psonm 43:2 Referans Kwoze

Psonm 42:9

Mon demann Bondye, mon Ros protekter: Akoz ou'n oubliy mwan? Akoz mon bezwen reste dan latristes e les mon bann lennmi kraz mwan?

Psonm 28:7

SENYER i mon lafors, i protez mwan. Mon met mon konfyans dan li, e i vin sekour mwan. Mon pou loue li avek bann kantik.

Efezyen 6:10

Anfen, pran ou lafors dan linyon avek Senyer e dan son gran pwisans.

Ezai 40:31

Me sa bann ki met zot konfyans dan SENYER ava reganny zot lafors; zot ava anvole parey en leg; zot ava taye, me zanmen fatige; zot ava marse san rente.

Psonm 94:14

SENYER pa pou abandonn son pep; i pa pou abandonn son posesyon.

Psonm 44:9

Me ou'n rezet nou; ou'n les nou ganny imilye. Ou nepli akonpanny nou larme dan konba.

Zakari 10:12

Zot pou met zot lafors dan SENYER e zot pou mars anba son non. SENYER ki deklare.

Ezai 45:24

Zot pou dir lo mwan: Zis SENYER ki annan lazistis ek pwisans. Tou sa bann ki ti ankoler kont mwan pou retourn ver mwan dan laont.

Psonm 140:7

SENYER Bondye! Ou menm lafors mon delivrans. Ou'n protez mon latet dan konba.

Psonm 77:7

Eski SENYER pou rezet nou pour touzour? Eski i pa pou montre nou son faver ankor?

Psonm 71:9

Pa rezet mwan dan mon vye zour; pa abandonn mwan ler mon nepli annan lafors.

1 Kronik 28:9

Kanta ou, mon garson Salomon, konn Bondye ou papa. Servi li avek tou ou lespri e avek tou ou leker; akoz SENYER i konsider sak lentelizans e i konn tou proze e tou sa ki ou mazinen. Si ou rod li, ou pou trouv li; me si ou oubliy li, i pou abandonn ou pour touzour.

Egzod 15:2

SENYER i mon lafors ek mon pwisans. Li menm mon sover. Li menm mon Bondye, mon pou loue li. Li menm Bondye mon zanset; mon pou loue li.

Filipyen 4:13

Mon kapab fer fas avek tou difikilte gras a Kris ki donn mwan lafors.

Psonm 31:4

Ou pou delivre mwan dan latrap ki'n ganny mete pour mwan, akoz ou menm mon fortres.

Psonm 42:10

Zot bann lensilt i kraz mwan ziska dan mon lezo. Tou le zour zot demann mwan: Oli ou Bondye?

Psonm 88:15

Depi mon lanfans, mon ti malere e pre pour mor. Mon'n viv dan lafreyer, dan dezespwar.