Psonm 42:4 - Labib An Kreol Seselwa

⁴ Mon gard en bon souvenir dan mon leker: Mon rapel byen, mon ti pe marse avek lafoul. Mon ti pe mars devan laprosesyon ziska tanp Bondye. Ansanm avek lafoul dan lafet, nou ti sant bann kantik remersiman.

Psonm 42:4 Referans Kwoze

Ezai 30:29

Zot pou selebre parey dan lafet sakre aswar. Zot leker pou kontan parey ler en dimoun i mars akonpannyen par lanmizik laflit, pour li al lo montanny SENYER, Ros Izrael.

Psonm 122:1

Mon ti dan lazwa kan zot ti dir mwan: Annou al dan tanp SENYER.

Psonm 62:8

Pep! Fer li touzour konfyans. Dir li sa ki zot annan lo zot leker. Bondye i en labri pour nou.

Nahoum 1:15

Zabitan Zida! Gete! La zot pe vini lo montanny, sa enn ki vin anons bonn nouvel: Zot anons lape. Selebre zot bann lafet, Zida; gard zot bann ve. Destrikter pa pou pas ankor parmi zot. I'n ganny konpletman detri.

Psonm 100:4

Antre par bann laport tanp avek bann kantik remersiman. Antre dan lakour son tanp avek bann kantik louanz. Remersye li e loue son non.

Psonm 55:14

Ansanm, nou ti partaz lanmitye. Nou ti mars ansanm ver tanp Bondye.

Levanzil dapre Lik 16:25

Abrahanm ti reponn li: Mon garson! Rapel ou byen ki pandan ou lavi, ou ti ganny toudsort bon keksoz, tandis ki Lazar ti ganny bokou maler. Aprezan, i pe ganny son konsolasyon, e ou, ou pe soufer.

Lamantasyon 2:19

Leve e Kriye tou lannwit. Vid ou leker devan SENYER, parey delo. Lev ou lanmen ver SENYER i ava sov lavi ou bann zanfan ki pe mor lafen dan tou kwen semen.

Liv Zob 29:2

Mon ti ava kontan reviv bann letan pase, sa bann zour ler Bondye ti pe vey lo mwan;

2 Kronik 7:10

Apre, venntrwazyenm zour, dan setyenm mwan, Salomon ti fer tou dimoun retourn kot zot. Zot ti santi zot ere e dan lazwa pour tou bann dibyen ki SENYER ti fer anver David, anver Salomon, e anver son pep, Izrael antye.

Rit 1:21

Mon ti al lanmen plen, e SENYER in fer mwan retourn lanmen vid. Pa apel mwan ankor Naomi. SENYER in afliz mwan e Bondye Toupwisan in anvoy maler lo mwan?”

Deterononm 16:11

Avek ou bann garson, ou bann fiy, ou bann serviter, ou bann servant, bann levit ki reste dan ou bann lavil, bann etranze, bann orfelen ek bann vev ki viv parmi zot, ou ava fer lafet dan landrwa kot SENYER ava swazir pour fer reste prezans son non.

Lamantasyon 4:1

Gete! Lor nepli klate! Lor pir in melanze! Bann ros sorti dan miray tanp i fannen dan tou kwen semen.

2 Rwa 18:30

Pa les Ezekyas fer zot met zot konfyans dan SENYER kan i dir: SENYER pou delivre zot. Sa lavil pa pou ganny livre dan lanmen lerwa Asiri.

2 Rwa 18:32

ziska ki mon vini e anmenn zot dan en pei ki parey zot prop pei, en pei kot i annan dible ek diven, en pei kot i annan dipen ek plantasyon rezen, en pei avek pye zoliv ek dimyel. Konmsa, zot ava viv, e zot pa pou mor. Pa ekout Ezekyas ler i dir: SENYER pour delivre nou.

Psonm 79:10

Akoz fodre les bann nasyon dir: Oli son Bondye? Devan nou, fer bann nasyon war koman ou vanz disan ou bann serviter ki zot ti fer koule!

Psonm 80:6

Ou'n fer nou vin en size dispit pour nou vwazen. Nou bann lennmi i riy nou.

Psonm 102:10

Dan ou lakoler ou pini mwan; ou lev mwan anler e ou zet mwan lwen.

Psonm 115:2

Akoz bann nasyon i demande: Oli zot Bondye?

Psonm 122:8

Pour lanmour mon bann frer ek mon bann zanmi, mon pou dir: Mon swet ou lape.

Ezekyel 46:10

Kan zot antre, prens ki gouvern pei ava antre ansanm avek zot; kan zot sorti, i ava osi sorti avek zot.

Zoel 2:17

Zot bann pret ki servi SENYER! Lamante ant lotel ek laport sanktyer. Dir: SENYER! Sov ou pep! Pa les ou bann zanfan vin en laont parmi bann nasyon! Pa les bann nasyon dir: Oli zot Bondye?