Psonm 39:5 - Labib An Kreol Seselwa

⁵ Letan ki ou'n donn mwan pour viv i en pe plis ki larzer en lanmen. Devan ou, sa i nanryen ditou: Lavi en imen i zis en respirasyon.

Psonm 39:5 Referans Kwoze

Psonm 144:4

I zis parey en divan; bann zour son lavi i parey en lonbraz ki vit pase.

Psonm 89:47

Mazin mwan! Mon lavi i telman kourt. Pour ki rezon banal ou'n kree bann imen?

Psonm 62:9

Bann et imen i parey en souf respirasyon; bann zabitan later, zot manter. Si zot mont lo en balans, zot pa pou pez plis ki en souf.

Eklezyas 2:11

Alor, mon ti konsider tou sa ki mon'n akonpli, travay dir ki mon'n realize avek bokou lapenn: Tousala i vanite, konmsi mon pe tay deryer divan. I pa vreman anmenn okenn lavantaz anba soley.

Let Zak 4:14

Pourtan, zot pa ni menm konnen ki mannyer zot lavi pou ete demen. Kisisa zot lavi? Zot parey brouyar ki paret pour en pti moman e ki apre i disparet.

Psonm 39:11

Ou koriz en imen e ou pini li pour son bann fot; parey en lever, ou ronz sa ki i pli kontan. Nou konnen ki tou et imen i zis divan.

Liv Zob 7:6

Mon lavi i pas pli vit ki navet en artizan; i fini san okenn lespwar.

Ezai 40:17

Bann nasyon, zot nanryen ditou devan li. Dan son lizye, zot pou mwens ki nean.

Eklezyas 1:2

Sa zonm saz i dir: Tou i vanite. Tou keksoz i anven e initil!

Zenez 47:9

Zakob ti reponn, “I annan 130 an depi ki mon lo later. Mon bann lannen in kourt e difisil; pa otan ki pour mon bann zanset pandan zot bann long lavi nomad.”

2 Pyer 3:8

An tou ka, mon bann zanmi! Pa oubliy sa pwen: Pour Senyer, en zour i koman 1,000 an, e 1,000 an i koman en zour.

2 Samyel 19:34

Me Barzilai ti reponn lerwa, “Mon rwa! Konbyen lannen ankor mon annan pour viv, pour mwan al avek lerwa Zerizalenm.

Psonm 90:12

Alor, fer nou konpran ki nou lavi i kourt, pour ki nou leker i ranpli avek lasazes.