Psonm 39:12 - Labib An Kreol Seselwa

¹² SENYER! Ekout mon lapriyer. Mon kriy ou. Ekout mwan! Pa reste endiferan devan mon larm. Mon en pasan kot ou; en etranze parey tou mon bann zanset.

Psonm 39:12 Referans Kwoze

1 Pyer 2:11

Mon bann zanmi! Mon demann zot ki bann etranze e bann vwayazer: Gard zot kont bann dezir natir imen ki fer lager kont zot menm.

Ebre 11:13

Zot tou, zot in mor dan lafwa, san ki zot ti'n resevwar sa ki zot ti'n ganny promet. Me zot in war li dan lwen e zot in rezoui. Zot ti deklare ki zot ti bann etranze e bann egzile lo later.

Psonm 119:19

Mon zis en pasaze lo later; pa kasyet mwan ou bann komannman.

Levitik 25:23

Later pa pou ganny vann dan en fason definitif; pei i pour mwan. Zot se mwan koman bann etranze e bann viziter.

Zenez 47:9

Zakob ti reponn, “I annan 130 an depi ki mon lo later. Mon bann lannen in kourt e difisil; pa otan ki pour mon bann zanset pandan zot bann long lavi nomad.”

1 Pyer 1:17

Kan zot priye, zot apel Bondye koman zot Papa. I pa fer okenn preferans, e i ziz sak dimoun dapre sa ki i'n fer. Alor, pandan sa letan ki reste pour zot lo later, montre ki zot annan respe pour li, par zot mannyer viv.

Psonm 56:8

Ou konnen kantite fwa ki mon ti oblize sove. Ou konnen ki kantite larm mon'n verse. Tousala in ekri dan ou gran liv.

1 Kronik 29:15

Parey nou bann zanset, nou en bann etranze e bann pasaze devan ou. Nou lavi lo later i parey en lonbraz e napa okenn lespwar.

2 Rwa 20:5

“Retournen, e dir Ezekyas, sef mon pep: La sa ki SENYER, Bondye ou papa David i deklare: Mon'n antann ou lapriyer, mon'n war ou larm. Mon pou geri ou; dan trwa zour ou pou mont dan tanp SENYER.

Ebre 5:7

Pandan son lavi lo later, Zezi ti priye e sipliy Bondye avek bann leokri ek bann larm. I ti priy sa enn ki ti kapab sov li dan lanmor. Bondye ti egzos li akoz son lobeisans.

Psonm 116:3

Lanmor ti'n fini anpay mwan; langwas lemonn lanmor ti'n sezi mwan. Lafreyer ek ladetres ti'n sezi mwan.

Liv Zob 16:20

Mon bann zanmi i mepriz mwan; mon lizye i sipliye avek larm devan Bondye.

2 Samyel 16:12

Petet ki SENYER ava pran pitye mon miser, e i ava fer mwan dibyen an retour sa bann malediksyon ki i pa prononse ozordi.”

2 Korentyen 5:6

Alor, nou touzour ranpli avek kouraz. Nou konnen ki tan ki nou pe viv dan sa lekor, nou ankor lwen avek Senyer.

Psonm 102:1

SENYER! Ekout mon lapriyer. Ekout mon siplikasyon ki mont kot ou.

Psonm 119:54

Ou bann regleman i size mon bann sanson la kot mon viv.

Zenez 21:34

Abrahanm ti reste en bon pe letan koman en etranze dan pei bann Filisten.

Liv Zob 13:28

Zonm i karyate, parey en lenz ki'n ganny manze par karya.

Psonm 90:9

Nou lavi i ganny rakoursi anba ou lakoler. Nou lavi i fini parey en souf.