Psonm 34:4 - Labib An Kreol Seselwa

⁴ Mon ti apel SENYER e i ti reponn mwan. In delivre mwan dan tou mon lafreyer.

Psonm 34:4 Referans Kwoze

Psonm 18:6

Dan mon detres, mon ti apel SENYER; mon ti kriy ver mon Bondye pour son led. Depi son tanp, i ti antann mon lavwa, e i ti antann mon lapel.

Matye 7:7

Demande, zot ava gannyen. Rode, zot ava trouve. Tape, laport ava ouver.

Psonm 56:3

Kan mon per, mon met mon konfyans dan ou.

2 Timote 1:7

Annefe, Bondye pa'n donn ou en lespri lafreyer; o kontrer, en lespri ki ranpli nou avek lafors, lanmour ek disiplin.

Zonas 2:2

Dan mon dezespwar mon ti apel ou SENYER e ou ti reponn mwan. Depi dan profonder lanmor mon ti kriy osekour, e ou ti reponn mwan.

Ezai 12:2

Bondye i mon sover. Mon pou fer li konfyans, mon pa pou per, akoz Senyer BONDYE i mon lafors e mon pwisans. Li menm ki sov mwan.

Psonm 31:22

Dan mon dezespwar mon ti pe dir: Ou'n zet mwan lwen avek ou. Me ou'n antann mon siplikasyon kan mon ti kriy ver ou.

Ebre 5:7

Pandan son lavi lo later, Zezi ti priye e sipliy Bondye avek bann leokri ek bann larm. I ti priy sa enn ki ti kapab sov li dan lanmor. Bondye ti egzos li akoz son lobeisans.

Levanzil dapre Lik 11:9

Mwan, mon dir zot: Demande, zot ava gannyen. Rode, zot ava trouve. Tape, laport ava ouver.

Psonm 22:24

SENYER pa'n ni rezet, ni mepriz dimoun pov ki dan maler. I pa ti kasyet li son figir; i ti reponn li kan i ti kriy ver li.

Psonm 46:2

Pour sa rezon, nanryen pa pou fer nou per: Menm si i annan tranblemandter; menm si montanny i tranble dan milye lanmer;

2 Kronik 15:2

I ti al kot lerwa Asa pour dir li: Asa ek tou pep Zida ek Benzamen! Ekout mwan byen. SENYER i avek zot osi lontan ki zot avek li. Si zot rod li, zot ava trouv li, si zot abandonn li, li osi pou abandonn zot.

1 Samyel 27:1

David ti dir dan li menm: En zour ou lot, mon pou mor par lanmen Sail. Meyer keksoz mon kapab fer, se sove e al dan pei bann Filisten. Konmsa, Sail ava aret rod mwan partou dan teritwar Izrael; konmsa, mon ava kapab sape.

Psonm 35:27

Me bann ki swete war lazistis dan mon faver, ava kriye dan lazwa e zot pa pou aret dir: SENYER i gran! I kontan boner son serviter.

Psonm 40:17

Mwan, mon en pov malere; me SENYER i mazin mwan. SENYER! Ou menm mon sekour, mon liberater. Mon Bondye pa tarde!