Psonm 34:1 - Labib An Kreol Seselwa

¹ Mon pou touzour loue SENYER; mon labous pou touzour sant son louanz.

Psonm 34:1 Referans Kwoze

1 Tesalonisyen 5:18

Dan tou sirkonstans, remersye Bondye. Sa i lavolonte Bondye pour zot avek Zezi-Kri.

Kolosyen 3:17

Dan tou sa ki zot fer e dir, fer tou dan non Senyer Zezi. Par li, remersye Bondye nou Papa.

Efezyen 5:20

Lo non nou Senyer Zezi-Kri, remersye Bondye, nou Papa toultan pour tou.

Psonm 71:8

Mon labous i ranpli avek ou louanz; tou lazournen mon sant ou laglwar.

2 Tesalonisyen 2:13

Kanta nou, frer ek ser! Nou devre toultan remersye Bondye pour zot, ki Senyer i kontan. Annefe, Bondye in swazir zot an premye pour li sov zot, par Lespri ki rann zot lavi sen, e gras a zot lafwa dan laverite.

Akt de Zapot 16:25

Ver minwi, Pol ek Silas ti pe priye e sant kantik pour rann glwar Bondye. Lezot prizonnyen ti pe ekout zot.

Psonm 71:6

Depi dan vant mon manman mon kont lo ou. Ou ki'n tir mwan dan vant mon manman. Toultan, mon pou sant ou louanz.

Proverb 29:25

Lafreyer pour zonm i en move keksoz; me sa enn ki met son konfyans dan SENYER i an sekirite.

2 Tesalonisyen 1:3

Mon bann frer ek ser! Nou devre touzour remersye Bondye pour zot. Sa i byen, akoz zot lafwa in bokou progrese e lanmour ki zot posede pour kanmarad pe touzour ogmante.

Akt de Zapot 5:41

Bann zapot ti kit lasal Konsey, byen kontan, ki zot ti'n ganny konsidere diny pour ganny maltrete pour sa non Zezi.

Zenez 20:2

Abrahanm ti dir avek dimoun osize Sara, “I mon ser.” Alor, Abimelek, lerwa Gerar ti fer anmenn Sara kot li.

Zenez 26:1

Ti annan en lot lafanmin dan pei, apard sa enn dan lepok Abrahanm. Izaak ti al Gerar, kot Abimelek, lerwa bann Filisten.

1 Samyel 21:11

Bann serviter Akis ti dir li, “Sa pa David, lerwa pei? Eski pa lo David ki zot ti sante e danse: Sail in touy son bann mil, me David in touy son bann dizenn milye?”