Psonm 32:11 - Labib An Kreol Seselwa

¹¹ Zot ki zis! Rezouir dan SENYER. Zot ki leker i drwat! Sant zot lazwa.

Psonm 32:11 Referans Kwoze

Psonm 64:10

Dimoun ki zis! Rezoui dan SENYER. Pran li pour labri! Dimoun ki leker i drwat ava dan lazwa.

Filipyen 4:4

Reste touzour dan lazwa, ini avek Senyer. Mon repete: Reste dan lazwa.

Psonm 97:12

Ou ki obei SENYER! Reste dan lazwa. Sant bann louanz pour son non sen!

Psonm 97:1

SENYER i lerwa! Later i rezoui! Bann zil i dan lazwa!

Psonm 5:11

Me rann ere tou sa bann ki'n met zot konfyans dan ou. Zot ava sant zot lazwa pour touzour. Kouver zot avek ou proteksyon. Konmsa, tou sa bann ki kontan ou non, ava rezoui akoz ou.

Psonm 68:3

Zot ki zis! Montre zot lazwa. Selebre devan Bondye dan lazwa.

Psonm 33:1

Zot ki zis! Sant an loner SENYER. Zot ki drwat! I bon pour zot loue li.

Deterononm 12:12

Zot tou, zot ava rezouir devan SENYER, zot Bondye avek zot bann zanfan, zot bann fiy, zot bann serviter ek zot bann servant, avek bann levit ki reste dan zot lavil e ki napa okenn par dan zot patrimwann.

Filipyen 3:3

Nou ki'n resevwar vre sirkonsizyon, akoz nou ador Bondye par son Lespri e nou met nou lafyerte dan Zezi-Kri. Nou konfyans pa baz lo bann privilez imen.

Filipyen 3:1

Aprezan, mon bann frer ek ser! Mon dir zot, rezoui zot ini avek Senyer. I pa deranz mwan pour repet sa ki mon'n deza ekri; pour zot, i bon fer li.

Romen 5:11

Sa pa tou: Nou fyer dan Bondye akoz nou Senyer Zezi-Kri, ki'n rekonsilye nou avek Bondye.

Zakari 4:7

Ki ou ete, ou ki en gran montanny? Devan Zorobabel, ou pou vin en laplenn. I pou tir ros fondasyon pandan ki dimoun pe kriye: Bravo! Bravo!”

Psonm 125:4

SENYER! Fer dibyen pour bann ki bon, pour bann ki leker i drwat.

Psonm 32:2

Zot byennere bann ki SENYER i konsider inosan e ki napa okenn lespri tronper!

Psonm 7:10

SENYER i mon protekter. I sov sa enn ki annan en leker pir.

1 Samyel 2:1

Ann ti priye. I ti dir: SENYER i ranpli mon leker avek lazwa, SENYER in fer mwan lev mon latet. Aprezan, mon kapab defye mon bann lennmi; mon dan lazwa, akoz SENYER in sov mwan.

Psonm 98:4

Tou bann zabitan later! Kriy zot lazwa pour SENYER. Kriy zot lazwa e sante.