Psonm 32:10 - Labib An Kreol Seselwa

¹⁰ Bann malfeter pou konn bokou soufrans. Me fidelite SENYER i antour sa enn ki met son konfyans dan li.

Psonm 32:10 Referans Kwoze

Proverb 16:20

Sa enn ki konn fer zafer ava prospere; sa enn ki fer konfyans SENYER ava ere.

Proverb 13:21

Maler i pourswiv sa enn ki fer pese; me boner i rekonpans sa enn ki zis.

Psonm 147:11

Me SENYER i pran plezir dan dimoun ki annan respe pour li, dan sa bann ki'n met zot lespwar dan son fidelite.

Psonm 146:5

Byennere sa bann ki Bondye Zakob i zot sekour; bann ki met zot lespwar dan SENYER zot Bondye.

Psonm 34:8

Goute e gete koman SENYER i bon! Sa enn ki pran li pour son labri i vreman ere.

Psonm 5:12

SENYER! Ou beni sa enn ki zis. Ou lanmour i protez li parey en boukliye.

1 Timote 6:10

Annefe, lanmour larzan i rasin tou kalite maler. Serten dimoun in telman anvi larzan ki zot in egare lwen avek lafwa e zot in met zot lekor dan en kantite tourman.

Psonm 84:12

SENYER liniver! I byennere sa enn ki met son konfyans dan ou.

Psonm 16:4

Dimoun ki swazir en lot bondye pou konn en kantite soufrans. Mon pa pou pran par dan zot bann sakrifis disan. Zot non pa pou sorti dan mon labous.

Psonm 2:12

rekonnet son garson; pangar i pran lakoler e ki ou mor dan semen. Akoz son lakoler i mont fasilman. Byennere sa enn ki met son konfyans dan SENYER.

Ezai 3:11

Maler lo zot bann malfeter! Tou pou mal fini pour zot. Zot pou ganny trete dapre zot aksyon.

Eklezyas 8:12

En malfeter i kapab mal azir plis ki 100 fwa e viv lontan. Me mon konnen ki i annan boner pour sa ki annan respe pour Bondye.

Psonm 140:11

Pa les dimoun ki fer kalonmni, viv dan pei. Ki maler i pourswiv sa enn ki servi vyolans.

Psonm 40:4

I byennere sa enn ki'n met son konfyans dan SENYER! I pa tourn ver bann arogan ni ver bann ki swiv bann fo bondye.

Ezai 57:21

Napa okenn lape pour bann malfeter, mon Bondye i deklare.

Psonm 11:6

I pou fer tonm en lapli labrez sarbon ek souf lo bann malfeter. I pou soufle en divan tanpet.