Psonm 32:1 - Labib An Kreol Seselwa

¹ Byennere bann ki zot fot i ganny pardonnen, e bann ki zot pese i ganny oubliye!

Psonm 32:1 Referans Kwoze

Ezai 44:22

Mon'n balye ou bann fot parey en nyaz e ou bann pese parey en brouyar. Retourn kot mwan akoz mon'n sov ou.

Psonm 85:2

Ou'n efas bann fot ou pep; ou'n pardonn zot tou zot pese.

Ezai 43:25

Pourtan, mwan, mwan menm, par mon prop pwisans, mon pardonn tou ou fot e mon pou oubliy tou ou bann pese.

Revelasyon 22:14

Byennere bann ki lav zot rob pour ki zot ganny drwa manz fri pye dibwa lavi, e antre dan lavil par laport.

Ezai 1:18

SENYER in deklare: Aprezan vini, annou diskite: Si zot bann pese i rouz, zot pou vin blan parey lannez. Menm si zot rouz fonse, zot pou vin blan parey lalenn.

Psonm 40:4

I byennere sa enn ki'n met son konfyans dan SENYER! I pa tourn ver bann arogan ni ver bann ki swiv bann fo bondye.

Psonm 106:3

I byennere sa enn ki fer sa ki drwat e ki touzour pratik lazistis.

Levanzil dapre Lik 11:28

Me Zezi ti dir, “Ere plito sa enn ki ekout Parol Bondye e met li an pratik.”

Psonm 53:1

Bann fou i dir dan zot menm: Napa Bondye. Zot koronpi; zot fer bann keksoz degoutan. Personn pa fer sa ki byen.

Psonm 42:1

Mon soupir apre ou, mon Bondye, parey en serf i rod en sours delo.

Matye 16:17

Zezi ti reponn li, “Ou ere, Simon, garson Zonas! Annefe, sa ki ou'n dir, pa en dimoun ki'n dir ou, me mon Papa ki dan lesyel.

Psonm 128:1

Byennere sa enn ki annan respe pour SENYER, ki swiv semen ki SENYER i'n trase!

Psonm 89:15

I byennere sa pep ki konn sant zot lazwa, ki viv dan lalimyer ou prezans, SENYER.

Psonm 84:12

SENYER liniver! I byennere sa enn ki met son konfyans dan ou.

Psonm 52:1

Ou ki pratik mansonz, ou lalang i fer konplo pour detri, parey en razwar byen fite.

Psonm 45:1

Mon leker i deborde avek zoli parol. Mon dedye mon poenm pour lerwa. Mon lalang i parey plim en bon poet.

Psonm 55:1

Mon Bondye! Ekout mon lapriyer. Pa detourn ou vizaz devan mon siplikasyon.

Nehemi 4:5

Pa kasyet zot fot e pa efas zot pese devan ou; zot in ensilte nou devan bann konstrikter.

2 Samyel 12:13

David ti reponn Natan, “Mon'n fer pese kont SENYER.” Natan ti reponn David, “SENYER osi in pardonn ou pese: Ou pa pou mor.

Psonm 103:3

I pardonn tou ou bann fot e i geri tou ou bann maladi.