Psonm 30:9 - Labib An Kreol Seselwa

⁹ Ki lentere ou annan dan mon lanmor, ler mon desann dan lafos? Eski dimoun mor i kapab loue ou? Eski zot kapab rakont ou fidelite?

Psonm 30:9 Referans Kwoze

Psonm 6:5

Apre lanmor, dimoun nepli mazin ou. Lekel ki pou loue ou dan lemonn lanmor?

Ezai 38:18

Lemonn lanmor pa kapab loue ou. Lanmor pa kapab selebre ou. Sa ki desann dan sa trou san fon pa kapab met lespwar dan ou fidelite.

Eklezyas 9:10

Tou sa ki ou lanmen i kapab fer, fer li avek ou prop lafors akoz pou napa ni aktivite, ni rezon, ni konnesans, ni lasazes dan lemonn lanmor, kot ou pe ale.

Psonm 118:17

Mon pa pou mor, mon pou viv e mon pou rakont bann mervey ki SENYER in fer.

Psonm 66:17

Avek mon labous mon ti apel li. Mon ti demann li son sekour e mon ti loue li.