Psonm 30:6 - Labib An Kreol Seselwa

⁶ Mon ti krwar mon an sekirite. Alor mon ti dir: Zanmen mon pou ganny sekwe.

Psonm 30:6 Referans Kwoze

Psonm 119:117

Soutenir mwan e mon ava ganny sove. Mon pa zanmen oubliy ou bann regleman.

2 Korentyen 12:7

Sepandan, pour ki mon pa vant mon lekor pour sa bann revelasyon ekstraordiner, mon'n ganny en soufrans dan mon lekor. I koman en mesaze Satan ki'n ganny anvoye pour tourmant mwan e anpes mwan fer vantar.

Levanzil dapre Lik 12:19

Apre, mon ava dir dan mwan menm: Rekolt ki ou'n anmase i ase pour plizyer lannen. Alor, repoz ou, manze, bwar e anmize!

Psonm 16:8

Mon touzour fikse mon lizye lo SENYER. SENYER i touzour prezan devan mwan. Mon pa pou tonbe.

Danyel 4:30

I ti dir: La sa gran Babilonn ki mon'n konstri pour mon rezidans! Mon'n fer li par mon lafors, par mon pwisans, pour mon loner e mon laglwar!

Ezai 56:12

Zot dir: Vini! Annou al rod diven. Annou soul nou avek labwason for. Demen pou parey ozordi; bwar pa pou manke.

Ezai 47:7

Ou'n dir: Mon pou reste larenn pour touzour. Ou pa'n reflesir lo tousala; ou pa'n mazin son rezilta.

Psonm 15:5

I pret larzan san demann okenn lentere; i pa aksepte gous pour akiz en inosan. Sa enn ki fer tousala, pa pou zanmen tonbe.

Psonm 10:6

I dir dan li menm: Zanmen mon pou perdi; zanmen mon pou tonm dan maler.

Psonm 126:6

I ale avek larm dan lizye, son sak lagrenn lo son ledo. I retourn dan lazwa avek prodwi son rekolt.

Ezai 54:7

Mon'n abandonn ou pour en moman, me dan mon konpasyon, mon pou rasanble ou.