Psonm 30:4 - Labib An Kreol Seselwa

⁴ Sant pour SENYER, zot son pep fidel! Loue SENYER, akoz son non i sen!

Psonm 30:4 Referans Kwoze

Psonm 97:12

Ou ki obei SENYER! Reste dan lazwa. Sant bann louanz pour son non sen!

Revelasyon 4:8

Sa kat kreatir vivan ti annan sakenn sis lezel e zot ti kouver avek lizye partou, anndan deor. Lizour koman aswar, zot ti sante san pozman: Sen, sen, sen, Senyer Bondye Toupwisan, sa enn ki ti egziste, ki egziste, e ki pe vini.

Psonm 148:14

In rann son pep son lafors. Son bann fidel i sant son louanz. Pep Izrael i en pep pros avek li. Loue SENYER!

Psonm 132:9

Ou bann pret ava ganny anvlope dan lazistis e ou bann fidel ava kriye ranpli avek lazwa.

1 Kronik 16:4

David ti plas devan Kof Lalyans SENYER, en group levit ki ti an servis, pour selebre e loue SENYER, Bondye Izrael:

Ezai 6:3

Zot ti pe apel kanmarad. Zot ti dir: Sen, sen, sen SENYER liniver! Later antye i ranpli avek son prezans!

Psonm 50:5

Rasanble mon bann fidel ki'n fer en lalyans avek mwan par en sakrifis!

Psonm 32:11

Zot ki zis! Rezouir dan SENYER. Zot ki leker i drwat! Sant zot lazwa.

Egzod 15:11

Lekel parmi bann bondye ki parey ou, SENYER? Lekel ki parey ou, e briye avek sentete, e ki fer bann mervey?

1 Samyel 2:6

SENYER i donn lanmor e i fer reviv; I fer desann dan latonm e fer remonte.

Psonm 28:1

SENYER, mon apel ou! Mon Ros protekter, pa refize ekout mwan. Si ou pa reponn mwan, mon pou parey bann ki desann dan latonm.

Psonm 86:13

Ou fidelite anver mwan i vreman gran; ou'n sov mwan dan profonder lanmor.

Psonm 107:20

Par son parol, i ti geri zot e delivre zot dan lafos.